न्यूजमधेश सम्बादाता
जनकपुरधाम,२३ चैत्र ।कोरोना भाइरस संक्रमितको संख्या एकै दिन तीनजना बढेपछि सरकारले लकडाउनलाई अझ कडाई गर्ने निर्णय गरेकोछ ।
मन्त्रीपरिषदको शनिवार साँझ बसेको बैठकले कोरोना भाइरस (कोभिड–१९) को जोखिम नियन्त्रणका लागि एक प्रदेशबाट अर्काे प्रदेश, एक जिल्लाबाट अर्काे जिल्ला र एक स्थानीय तहबाट अर्काे स्थानीय तहसम्मको आवागमनलाई नियन्त्रित गर्ने निर्णय गरेको छ ।
कोरोना भाइरसको संक्रमणको जोखिमलाई न्यूनीकरण गर्ने सन्दर्भमा यो नै उत्तम उपाय हुन्छ भन्ने निर्णय भएको सरकारका प्रवक्ता एवं अर्थ, सञ्चार तथा सूचना प्रविधिमन्त्री डा युवराज खतिवडाले जनाए ।
चैत ११ गते पहिलो पटक ७ दिनका लागि लगाइएको लकडाउनलाई चैत १८ गते एक हप्ताका लागि म्याद थपगरि चैत २५ गते सम्म पु¥याइएकोछ ।
कोरोना भाइरसको संक्रमण अवधि र यसको जोखिम रहिरहुञ्जेलसम्म बन्दाबन्दी (लकडाउन) को अझ पूर्ण पालना गराउन प्रदेश र सबै निकायलाई प्रभावकारीरुपमा काम गर्न सरकारले निर्देशन दिएको छ ।
मन्त्रिपरिषद्ले कोभिड– १९ को सम्भाव्य जोखिम तथा शङ्कामा रहेका व्यक्तिको व्यापकरुपमा परीक्षण प्रक्रिया शुरु गर्ने निर्णय गरेको मन्त्री खतिवडाले बताए । बाहिरबाट आएका व्यक्तिबाट कोरोना संक्रमित देखिन थालेको परिस्थितिको मूल्याङ्कनगर्दै उक्त कदम चाल्ने सरकारले निर्णय गरेको बताइएकोछ ।
सरकारले कैलाली, कञ्चनपुर र बाग्लुङमा केही नयाँ केश देखिएपछि थप व्यक्ति संक्रमित नहुनदिन ती जिल्लामा छिटो विधिबाट सम्भाव्य व्यक्तिको ‘¥यापिड टेष्ट’ को प्रक्रिया अघि बढाउने निर्णय गरेको प्रवक्ता खतिवाडाले जनाए ।
कोरोना भाइरस संक्रमणको दू्रत प्रक्रियाबाट परीक्षण गर्ने र त्यसका आधारमा संक्रमितको आशङ्का भएका व्यक्तिलाई ‘पिसिआर’ विधिबाट परीक्षण गर्दा संक्रमित व्यक्ति हो वा होइन भनेर छिटो यकीन गर्न सहज हुने उनले बताए ।
अहिलेको अवस्थामा स्वास्थ्यकर्मीको भूमिका अत्यन्त महत्वपूर्ण हुने भएकाले उहाँहरुको मनोवल वृद्धि गर्न गरिएको बीमा, प्रोत्साहन भत्ताका अतिरिक्त सुरक्षाका लागि स्वास्थ्य उपकरण यथाशक्य छिटो उपलब्ध गराउने र निश्चित मापदण्ड (प्रोटोकल) का आधारमा प्रयोग गर्न लगाउने निर्णय भएको मन्त्री खतिवाडाले बताए ।
‘ स्वास्थ्यकर्मीलाई पूर्णरुपले सुरक्षित गराएर उपचारमा लगाउने, त्यसमा बाधाव्यवधान उत्पन्न गराउने, सुरक्षामा खलल पु¥याउने र स्वास्थ्यकर्मीको सुरक्षामा आँच पु¥याउन खोज्ने कुनै पनि व्यक्तिलाई प्रचलित कानूनबमोजिम कारवाही गर्ने निर्णय भएको छ, उनले भने, स्वास्थ्यकर्मीलाई असुरक्षित हुन नदिनेतर्फ स्थानीय प्रशासनदेखि सबै तहका सरकारले सुरक्षाको व्यवस्था मिलाउनुपर्नेछ ।
कोभिड– १९ को जोखिम रोकथाम र नियन्त्रण गर्न चालेका कदमको समीक्षागर्दै सरकारले सानो संख्यामा मात्र संक्रमण केश कायम राख्न सकेकामा सन्तुष्टि व्यक्त गरेको छ ।
नेपालमा हाल सम्म कोरोना भाइरसको ९ जना संक्रमित फेला परेका छन् ।तीन जना एकै दिन शनिवार फेला परेका छन् ।नेपालमा पहिलो पटक आफन्तबाट संक्रमण फैलिएको देखिएकोछ ।विमानबाट आएकी महिलाको आफन्तमा संक्रमण देखिएकोछ ।
सरकारले फौजदारी कसुर तथा सजाय निर्धारण कार्यान्वयनसम्बन्धी सजाय निर्धारण समितिमा विज्ञका रुपमा रवीन्द्र भट्टराई र कुन्सान लामालाई नियुक्त गर्ने निर्णय गरेको छ । त्यस्तै अपराध पीडित संरक्षण ऐनको व्यवस्था भएअनुसार, पीडित संरक्षण समितिमा विज्ञका रुपमा डा शङ्करकुमार श्रेष्ठलाई नियुक्ति गरेको छ ।
