न्यूजमधेस सम्बादाता
जनकपुरधाम ,२३ चैत्र।मारवाडी सेवा समितिले अति बिपन्न परिवारलाई राहत सामग्री बितरण गरेकोछ ।समितिले जनकपुरधाम उपमहानगरपालिकाको वडा नम्बर १५ रामपुर र खजुरी गाउँमा राहत सामग्री वितरण गरेको छ ।
समितिका अध्यक्ष ललित बजाजले जनाए अनुसार राहत सामग्रीमा चामल, दाल, आलु, सोयाविन, नुन, चाउचाउ, बिस्कुट, साबुन रहेका छन् ।उनले आइतवार बितरण हुने सामग्रीमा खाने तेलपनि थपिएकोछ ।
हल बितरण भएको पाँच किलो चामललाई अगामी दिनमा दश किलो सम्म पु¥याइने अध्यक्ष बजाजले बताए ।अति बिपन्न परिवारलाई लकडाउनको क्रममा घर बाहिर जानुपर्ने बाध्यतालाई हटाउन राहत सामग्री बितरण गर्न थालिएको अध्यक्ष बजाजले जनाए ।
प्रदेश २ सरकारले सबै पालिकाहरुलाई बिपन्न, मजदुरलाई राहत सामग्री उपलब्ध गराउन रकम पठाइसकेको छ ।तर कतिपय पालिकामा अहिलेपनि तथ्यांक संकलन नै भइरहेको छ ।
