न्यूजमधेश सम्बादाता
जनकपुरधाम ,२३ चैत्र । देशमा कोरोना भाइरस संक्रमणबाट जोगिन खडा गरिएको कोषमा संघीय र प्रदेशका साँसदहरुले रकम घोषणा गरेर जनतामा भ्रम सृजना गर्न थालेका छन् ।

संसदीय कोषको रकम कोरोना भाइरसबाट जोगिन खडा गरिएको कोषमा जम्मा गर्न नमिल्ने कानुनी प्रावधानबारे विज्ञ रहेपनि सर्वसधारण माझ ठूला दानवीर देखाउन केहि करोड रकम उपलब्ध गराउने घोषणा गर्न थालेका छन् ।

समाजवादी पार्टीका महोत्तरी जिल्लाबाट सांसद डा.सुरेन्द्र यादवले संसदीय कोषको ३ करोड रुपैया कोरोना भाइरस राहत कोषमा दिने घोषणागर्दै समाजिक सञ्जालमा व्यापक प्रचार गरे ।

त्यसैगरि प्रदेश २ का राष्ट्रिय जनता पार्टी(राजपा)नेपालका सांसद उपेन्द्र महतोले १ करोड र नेपाल कम्युनिष्ट पार्टी(नेकपा)का प्रदेश २ का सांसद दिलिप साहलेपनि १ करोड रुपैया कोरोना भाइरसको रोकथामका लागि खडा गरिएको कोषमा उपलपब्ध गराउने घोषणा गरे ।

संघीय सांसद र प्रदेश सांसदले घोषणा गरेको कोषको रकम उनीहरुको निजी होइन् ।सरकारी रकम सरकारलाई नै दान दिन मिल्दैन् ।संसदीय कोषको रकम खर्च गर्ने कार्यविधिमा अन्य कुनै कोषमा दान दिने प्रावधान छैन् ।

‘संसदिय विकास कोषको रकम कुनै सांसदले कोरोना भाइरस कोषमा दान दिन मिल्दैन्’प्रदेश २ का मुख्यन्यायधिवक्ता दिपेन्द्र झाले भने, संसदीय विकास कोषको कार्यविधिमा यस्तो कुनै प्रावधान छैन् ।

सस्तो लोकप्रियताका लागि समाजिक सञ्जालमा दान दिने घोषणा गरेका प्रदेश र संसदीय सांसदहरुले केहि महिनाको तलब कोषमा दिएको घोषणागरि उपलब्ध गराउन सक्छन् ।तर करोड दान दिने घोषणा गरेका सांसदहरुले एक महिनाको तलब मात्र दिने घोषणा समेत गरेका छैनन् ।

प्रदेश २ मा समाजवादी पार्टीका सर्लाहीबाट सांसद अशोक यादवले एक महिनाको तलब कोषमा दिने घोषणा गरेका छन् ।त्यस बाहेक प्रदेशका मुख्यमन्त्री, मन्त्री र राज्यमन्त्रीले एक÷एक महिनाको तलब कोषमा दिने घोषणा गरेका छन् ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक  :मनोज कुमार मोरबैता
सम्पादक : मनोज बनैता
वरिष्ठ सल्लाकार : बिपी साह
वरिष्ठ सल्लाकार : श्रवण देव
वरिष्ठ सल्लाकार : सन्तोष जादब

सम्पर्क

सम्पर्क कार्यालय :जनकपुरधाम ( भानु चौक )
सम्पर्क : ९८४४५२०३२० ,९८०७७४९०००
ईमेल : [email protected]

Copyright © 2018-2020 News Madhesh