न्यूजमधेश सम्बादाता
जनकपुरधाम,२३ चैत्र।रुपन्देही जिल्लाको मायादेवी गाउँपालिकामा कोरोना भाइरस विरुद्धको औषधि छर्किने कार्यक्रम सुरु गरिएको छ।
शनिबार जनमत पार्टीले रुपन्देही जिल्लाको मायादेवी गाउँपालिका वडा नं. १ ,२ र ४ मा कोरोना भाइरस विरुद्धको किटनाशक औषधि छर्किएको जनमत पार्टीका केन्द्रिय सदस्य तथा रुपन्देही जिल्लाका पुर्व इन्चार्ज भोपेन्द्र यादवले जानकारी दिएको छ।
अहिले विश्वव्यापी रुपमा फैलिरहेको कोरोना भाइरस ( कोभिड -१९ )बाट जनतालाई जोगाउनको लागि कोरोना विरुद्धको किटनाशक औषधि छर्किने कार्यक्रम जारी रहेका पुर्व इन्चार्ज यादवले बताएका छन।
जितेको जनप्रतिनिधिहरु तथा पार्टीहरु भ्रष्टाचार गर्नमा व्यस्त र जनताको राहत खानमा मस्त रहेको जनमत पार्टीका अध्यक्ष डा.सीके राउतले आरोप लगाएको छ।
जनमत पार्टी जनताको सेवा गर्नमा व्यस्त रहेको डा राउतको भनाई समेत रहेको छ।
