न्यूजमधेश सम्बादाता
सप्तरी ,२५ चैत्र । लकडाउनको तेस्रो हप्ता शुरु भइसकेको छ । यहीं समयमा कृषकले लगाएको गहुँ बाली भित्र्याउने बेला पनि हो । किनभने गहुँबाली पाकिसकेको छ ।
कृषिको हब मानिने प्रदेश २ का कृषक गहुँ कसरी भित्र्याउने भन्ने चिन्तामा डुबिरहँदा संघीय सरकारले सतर्कता अपनाउँदै बाली भित्र्याउन भनिसकेको छ । प्रदेश २ का भूमी, व्यवस्था, कृषि तथा सहकारी मन्त्री शैलेन्द्र साह गहुँ खेतहरुको निरीक्षण गरेका छन् ।
आफ्नो गृह जिल्ला सप्तरीको बिभिन्न स्थानीय तहमा लगाइएको गहुँ खेतमै मन्त्री साह पुग्दा कृषक गहुँ काटन व्यस्त थिए । मन्त्री साहले गहुँ काट्दा र भित्र्याउँदा कम्तीमा तीन फिटसम्मको दूरी कायम राख्न आग्रह गरे । साथै उनले मास्क लगाएर काम समेत कृषकसँग आग्रह गरे ।
जिल्लाको छिन्नमस्ता, महदेवा, तिलाठी–कोइलाडीसहितका स्थानीय तहमा लगाइएको गहुँ खेतको निरीक्षण गर्न मन्त्री साह पगेका थिए ।
