न्यूजमधेश सम्बादाता
जनकपुरधाम,२५ चैत्र ।मारवाडी सेवा समिति जनकपुृरधामले सोमवार धनुषा जिल्लाको कमला नगरपालिकाको माची र जनकपुरधाम उपमहानगरपालिकाको वडा नम्बर १८ मा राहत सामग्री बितरण गरेको छ ।
समितिका अध्यक्ष ललित बजाजले जनाए अनुसार माचीमा ७५ बिपन्न परिवारलाई चामल, दाल, तेल, आलु, सोयाबिन, चाउचाउ, साबुन लगायतका समानहरु उपलब्ध गराइएकोछ ।
त्यसैगरि समितिले जनकपुरधाम उपमहानगरपालिकाको वडा नम्बर १८ मा ३० विपन्न परिवारलाई राहत वितरण गरेको छ ।
समितिले तीन दिनदेखि नियमित रुपमा राहत सामग्री उपलब्ध गराउदै आएकोछ ।समितिले आफ्नो कोष र विभिन्न दाताहरुबाट प्राप्त सहयोगलाई समेटेर प्याकेज बनाइ राहत सामग्री वितरण गर्न थालिएकोछ ।
अध्यक्ष बजाजले पहिलो चरणमा ५ सय परिवारलाई राहत सामग्री उपलब्ध गराउने तयारी गरिएको बताए ।उनले आवश्यकता अनुसार संख्या बढाउन सकिने जनाए ।
