मनोज कु मोरबैता
जनकपुरधाम ,२५ चैत्र। धनुषाको कमला नगरपालिकामा मंगलबार बिहान आगलागी हुँदा रु एक लाख बराबरको क्षति भएको छ ।
कमला नगरपालिका वडा नम्बर ४ सघारा निवासी जुगुतलाल कुसियैतको घरमा आगलागी भएको हो । खाना पकाउने क्रममा भएको आगलागीले उनको दुई वटा घर जलेर नष्ट भएको छ । आगलागीले घरभित्र रहेको खाद्यान्न, लत्ता कपडासहित सम्पूर्ण सामान जल्दा रु एक लाख बराबरको क्षति भएको छ ।
खरको प्रयोग गरी चुल्होमा खाना पकाउने क्रममा पानी लिन जाँदा आगलागी भएको स्थानीय नितेश प्रियदर्शीले जानकारी दिए ।
आगोलाई स्थानीयहरुले निभाएको प्रियदर्शीले बताए ।
