न्यूजमधेश सम्बादाता
जनकपुरधाम ,२७ चैत्र ।रक्तअल्पता रोगका कारण जीवन मरणको दोसाँधमा रहेका एक युवकलाई दुई युवकले रक्तदान गरी ज्यान बचाएका छन् ।
मुलुक लक डाउनमा रहेको बेला रगतको समेत अभाव भएको अवस्थामा यी दुई युवकले सिरहाको सिरहा नगरपालिका १३ फुलबरियाका जितेन्द्र यादवलाई रक्तदान गरेर जीवन बचाएका हुन् ।
यादव मंगलबार प्रादेशिक अस्पताल जनकपुरधाममा भर्ना भएपनि रगतको अभावमा उनको उपचार हुन सकिरहेको थिएन् । न्यूजमधेशका संचालक तथा संचारकर्मी मनोज कुमार मोरबैताको पहलमा यादवलाई दुई युवकले बुधबार रगत दान दिएका छन् ।
जिल्ला युवा संजाल धनुषाका अध्यक्ष धिरज साहको सहकार्यमा संजालका सदस्य समेत रहेका जनकपुरधाम उप–महानगरपालिका १९ कपलेश्वरका अभिनास साह र सिरहाको सिरहा नगरपालिका वडा नम्बर – ८ निवासी सुधन कुसियैतले रक्तदान गरेका हुन ।
रक्तदान गरेका दुवै जनालाइ न्यूजमधेशका संचालक मोरबैताले धन्यबाद दिदै उनले सबैजनालाइ रक्तदान गर्न आग्रह समेत गरेका छन् ।
