न्यूजमधेश सम्बादाता
जनकपुरधाम,३० चैत्र।कोरोना भाईरसको महामारीबाट बच्नका लागि देशब्यापी रुपमा जारी लकडाउन १९ औं दिन पुरा गरेको छ ।
लकडाउनका कारण जनकपुरमा दैनिक ज्यालादारी तथा मजदुरी गुजारा गर्ने घरपरिवारलाई सहज र सरल तरिकाले खाद्यान्न सामग्री चरणवद्व तरिकाले बितरण गर्न लागिएको छ ।
लकडाउनको अवधी लामो भएकाले जनकपुरधाम उपमहानगरपालिकाले गरिब तथा बिपन्नलाई चरणवद्वरुपमा राहत बितरण गर्ने लक्ष्य लिएको मेयर लाल किशोर साहले बताए ।
वडा कार्यालयहरुबाट आएको मजदुरको नामावली अनुसार उपमहानगरलाई प्रप्त अनुदान अपुग भए उपमहानगरले आवश्यक बजेट ब्यब्स्था गरी राहत वितरण जारी राख्ने उनले बताए ।
जनकपुर धाम उपमहानगरपालिकाले वडा नं७ भ्रमरपुरा चौक स्थित स्वास्तीका हेल्थ केयर सेन्टरमा क्वारेण्टाईन संचालन गरिएको छ । धनुषाकै १८ वटे स्थानिय तह मध्ये जनकपुरमा सेवासुबिधा सम्पन्न क्वारेन्टाईन संचालनमा आएको हो ।
