न्यूजमधेश सम्बादाता
जनकपुरधाम, १ बैशाख । भोर, अनुसन्धानमा आधारित अभियानी तथा परोपकारी संस्थाको नयाँ कार्यसमिति चयनभएको छ । पचुलाल माझी मुसहरको नेतृत्वमा नयाँ समितिको चयन गरिएको हो ।
समितिको उपाध्यक्षमा मिथिलेश गुप्ता, महिला उपाध्यक्षमा चन्द्रिका चौधरी, महासचिवमा सरोज दुलाल, सचिवमा समता यादव र कोषाध्यक्षमा उमेश कुमार साहलाई चयन गरिएको छ ।
सुरेश बिडारी, नित्यानन्द मण्डल, अर्जुन श्रेष्ठ, मुस्कान खातुन र राजेश रामलाई सदस्यमा चयन गरिएको छ ।
आगामी तीन वर्षको लागि नयाँ कार्यकारी समिति चयन गरिएको भोरका संस्थापक राजकुमार महतोले जानकारी दिए । विगत एक दसक देखि सामाजिक, सांस्कृतिक तथा आर्थिक मुद्धामा विभिन्न अभियानहरु संचालन गरिरहेको भोरको केही हप्ता अगाडि सम्मन्न महाधिवेशनबाट नयाँ समितिबनाइएको उनले बताए ।
भोरले प्रत्येक तीन वर्षमा महाधिवेशनको बेला पछाडी पारिएको वर्ग, समाज, देश र प्रकृतिको सेवा गर्न इच्छुक, प्रतिबध र सकारात्मक सोच भएका केही व्यक्तिहरुलाई साधारण सदस्यता प्रदान गर्ने गरेको छ । त्यस अनुरुप गत फागुनमा सम्पन्न भोरको महाधिवेशनले धनुषाका नित्यानन्द मण्डल, सप्तरीकी सलिता सदा, रौतहटका राजेश राम, पर्साकी खुश्बु नेशा र मुस्कान खातुन गरी पांच जनालाई भोरको साधारण सदस्यता प्रदान गरिएको महतोले बताए ।
भोरले विगत एक दसक देखि संचालन गरि रहेको अभियानहरुमा अहिले सम्म प्राप्त उपलब्धि, सिकाई, देश र समाजमा परिवर्तीत अवस्थालाई मध्यनजर गरी परिमार्जन गरिएको छ । जसलाई नयां दसक २०२०–२०३० सम्म परिवर्तीत रुपमा संचालन गरिने उनले बताए ।
साथै नयां दसक २०२०–२०३० को लागि भोरले तीन वटा नयां अभियान घोषण गरेको छ । महाधिवेशनबाट चयन भएको नयां कार्यकारी समितीले परिमार्जित ७ अभियान र ३ नयां अभियानलाई अनुमोदन गरेको छ ।
