लाहानको राहत प्रकरण :अख्तियारद्वारा छानबिन शुरु

मनोज बनैता, सिरहा, ४ बैशाख । बिपन्न परिवारलाई सडेको गन्हाउने चामल बितरण गरेको धेरै गुनासो आएपछि यस बिषयमा अख्तियार दुरुपयोग अनुसन्धान आयोगले छानबिन प्रक्रिया शुरु गरेको छ ।

आयोगको बर्दिबासस्थित कार्यालयका उपसचिव मनिराम ज्ञवालीको नेतृत्वमा आएको टोलीले बुधबार नगरपालिकाको केही वडाका गाउँमा बाँडिएको चामलको नमुना संकलन गरेको हो । ज्ञवालीको अनुसार अनुसन्धानका लागि चामलको नमुनासहित राहत सामग्री खरिदसम्बन्धी कागजातहरू नियन्त्रणमा लिईएको छ । साथै खरिदसम्बन्धी कागजातहरू जफत गरि अनुसन्धान  गरिदै छ ।