मनोज बनैता, लाहान, ६, बैशाख । कोभिड -१९ को कहरले संसारै भर हडकंप मचाएको छ । देशमा लकडाउन बैशाख १५ सम्मको लागि लम्बिएको छ । नेपाल सरकारले बिपन्न वर्गमा खाद्यान्न लगायतका राहत बाँडी लकडाउन को पुर्न पालना गर्नगराउन निर्देश भएको बेला सिरहाको लाहान २३ मा मान्छे हेरिहेरी राहत बाँडिएको व्यापक गुनासो आएका छन ।
दैनिक मजदुरी गरेर दुई छाँक टार्ने वर्ग मजदुरी गर्न नपाएपछि हातमुख जोड्न अप्ठ्यारोमा छन । सिराहाको लहान नगरपालिकाले एक करोड ३० लाख खर्च गरेको भएतापनि लागातार को गुनासोले नगरपालिकाको रवैया प्रति प्रश्न उठ्न थालेको छ ।
लाहान २३ गाढा का पीडित ले सामुहिक रुपमा प्रेस बिज्ञप्ति जारी गर्दै राहत पाउने ब्यक्तिहरुको नामावली आफू खुशी तयार पारेको र सो नामावली गोप्य राखेको आरोप लगाएका छन । स्थानीय धर्मेन्द्र महतो ले भने ‘नातावाद, कृपावादको आधारमा हुनेखाने ब्यक्तिहरुले पनि राहत पाएका छन । कतिपय एउटै घरपरिवारमा ३/४ जना सम्मलाई समेत राहत बितरण गरिएको छ । साथै राहत बितरण गर्दा वडा स्तरमा रहेको लक्षित घर परिवार पहिचान तथा राहत बितरण समिति को रोहवरमा बितरण गर्नुपर्नेमा सो नगरि एकलौटी मनपरि गरेको छ ।’ महतो को अनुसार पार्टी अनुसार राहत बितरण गरिएको छ ।
अर्का पीडित रबरी देवीले भनिन ‘वडा कार्यालयमा पटक पटक धाएर पनि केही सुनुवाइ भएन ।’ उनी एकल महिला हुन ।
त्यसैगरी पीडितहरुले अवकाश प्राप्त कर्मचारी, सरकारी जागीरे समेतलाई राहत दिईएको गुनासो गरेका छन ।
उता वडा अध्यक्ष कन्हैया प्र. गुप्ताले कुनै भेदभाव नगरेको र ती पीडितहरुलाई राहत दिइने कुरा गरेका छन ।
