न्यूजमधेश सम्बादाता
जनकपुरधाम,७ बैशाख। जनकपुरधाममा रकम छरेकी दुई महिलामध्ये एक जनाको ¥यापिड (आरडिटी) परीक्षण गरिएपछि एक महिलाको रिपोर्ट पोजेटिभ देखिएको छ ।
जनकपुरधाम उप महानगरपालिका ६ स्थित महाबीर चोकमा रु १० को झण्डै एक दर्जन नोट छरेर शुक्रबार भागेकी महिलालाई शनिबार प्रहरीले जनकपुरधाम ७ जानकीनगरस्थित घरबाटै नियन्त्रणमा लिएको छ ।
पक्राउ पर्नेमा आमुना खातुन र अलिना खातुन छन् । यी दुवै जना नन्द र भाउजु हुन ।
दुबैलाई नियन्त्रणमा लिएर प्रादेशिक अस्पताल जनकपुरधाम लगी स्वास्थ्य परीक्षण गराउँदा एक जनाको ¥यापिड टेस्ट पोजेटिभ आएको धनुषाका प्रमुख जिल्ला अधिकारी कोषहरि निरौलाले जानकारी दिए ।
उनले ¥यापीड टेस्ट पोजेटिभ देखिएपछि दुबैलाई अस्पतालको अइसोलेसन वार्डमा राखिएको बताए । आइसोलेसनमा राखेर पिसिआर परीक्षण गर्ने उनले बताए ।
उनीहरुले रकम किन छरेको हो ? भन्ने सन्दर्भमा अनुसन्धान हुन बाँकी रहेको धनुषा प्रहरीका प्रबक्ता एवं डिएसपी रामेश्वर कार्कीले बताए । कार्कीले छरिएको नोट कोरोना संक्रमण सम्बन्धी शंकास्पद भएकोले परीक्षणका लागि प्रादेशिक अस्पताल जनकपुरमा पठाईएको जानकारी दिए । त्यहाँबाट रिपोर्ट आएपछि बाँकी प्रकृया अगाडि बढाइने उनले बताए ।
