मनोज बनैता, सप्तरी, ११ बैशाख । सप्तरी सुरुङ्गा नगरपालिकाका एक मनकारीले लकडाउनमा दलित लगायत विपन्नलाई राहत स्वरुप भोजन खुवाउने गरेका छन । सप्तरी सुरुङ्गा ४ बस्ने भुवनेश्वर साफीले लकडाउन घोषणा पश्चात् चैत ८ गते देखिनै वडा ४ मा रहेका दलित तथा विभिन्न वर्गलाई राहत स्वरुप खाना खुवाँउदै आईरहेका छन ।
साफीका अनुसार लगभग ३०० बिपन्नले पालैपालो गरि दिनहुुँ खाना खाने गरेको छ । दैनिक एक छाँक खाना खुवाउने साफी आफू धर्मको काम गरेकोमा सन्तुष्ट छन । उनले भने ‘लकडाउनमा यी ज्याला मजदुरी गर्नेहरुको बिजोग हेर्दा मन दुखेर आयो र मैले केही राहत होस भनेर यो अभियान थालें ।’
साफीको अनुसार यस अभियानमा उनका दुई छोराहरु डा.अनिल कुमार रजक र सब ओभरसियर संतोष कुमार रजकले आर्थिक रुपमा साथ दिदै आएका छन । भुवनेश्वर साफी दलित संघका सप्तरी जिल्ला अध्यक्षसमेत हुनुहुन्छ ।
