न्यूजमधेश सम्बादाता
जनकपुरधाम,१२ बैशाख । जनकपुरधाम उप–महानगरपालिकाले १८ हजार विपन्नको नाम संकलन गरेको छ । छाँक टार्न मुश्किल हुनेहरुको तथ्यांक संकलन भइसकेकाले क्रमशः राहत बितरण गर्ने काम शुरु गरिने उप महानगरपालिकाले जनाएको छ ।
उप महानगरपालिकाका प्रबक्ता शिबरत्न पाण्डेले बिहीबार प्रेस बिज्ञप्ती जारी गर्दै प्रदेश सरकारले उपलब्ध गराएको रु २० लाखले ती विपन्नलाई राहत बितरण गर्न नसकिने भएकाले उपमहानगरपालिकाको विपद व्यवस्थापन कोषमा संचित रहेको रकम र अन्य शिर्षकबाट समेत रकमहरु रकमान्तर गरी सबैलाई राहत बितरण गर्ने बताएका छन् ।
कोरोना महामारीका कारण राहत सामग्री खरीद गर्न अप्ठ्यारो भइरहेपनि जनप्रतिनिधी तथा कर्मचारीको अथक प्रयासले सामग्री खरीद भइरहेको जनाउँदै बिज्ञप्तीमा नाम संकलन भएका सबै व्यक्तिलाई राहत बितरण गरिने बिज्ञप्तीमा जनाइएको छ ।
