मनोज बनैता, सिरहा, १३ बैशाख । मुस्लिम समुदायको महान चाडको रुपमा मानिने रमजान यस वर्ष मस्जिदमा नगई घरमै मनाउन धर्मगुरुहरु का साथ साथै नेताहरुले आग्रह गरेका छन । पूरा एक महिना सम्म मनाईने यस पर्वमा मुस्लिम समुदाय दिनभरी व्रत बस्ने गर्छन । रमजानकै महिनामा कुरान आएको बिश्वास छ ।
तत्कालीन राजपा का नगर अध्यक्ष मो. आलम ले नगरभरीका सम्पुर्ण मुस्लिम समुदायलाई शुभकामना सन्देश दिदै घरमै बसेर नमाज अदा गर्न अपील गरेका छन । उनले रमजानको अवसरमा सबै देशवासीमा सुख, शान्ति र समृद्धिको कामना गर्दै बहुजातीय, बहुभाषिक, बहुसांस्कृतिक विविधायुक्त समाजलाई एकताको सुत्रमा आबद्ध गरी धार्मिक सहिष्णुता तथा सद्भाव कायम गर्न अल्लाह ले सबैको मार्गदर्शन गरोस भनी दुवा गरेका छ ।
