मनोज बनैता, सिरहा, १४ बैशाख । जिल्लाका अधिकान्स स्थानीय तहले पहिलो चरणको बाँडिसक्दा पनि सुखिपुर नगरपालिका भने हाल सम्म सुरसार नगरेको खबर छ ।लकडाउनको महिना दिन वितिसक्दा सम्म पनि राहत नदिएपछि मेयरलाई उल्टै राहत दिने अभियान चलेको छ । सुखिपुरका स्थानीय युवाद्वारा मेयरको लागि राहत अभियान चलाएका छन ।
एक स्थानीय युवा नितेश यादवका अनुसार चामल, दाल, बिस्कुट, चाउचाउलगायतका राहत सामग्री आईतवार सुखिपुरका मेयर राम अवतार यादवलाई बुझाएका हुन ।
लकडाउन महिनौं सम्म लम्बिदा पनि मेयर यादव राहत काममा गम्भीर न हुँदा नैतिक दवाब दिन सो कार्यक्रम चलाउनु परेको युवा यादवले जनाए । दवाव सृजनाकै क्रममा मेयर लगायतका जनप्रतिनिधि ले राहत बितरणका समिति बनाएको तर त्यसमा पनि आफ्नै आसेपासेलाई समावेश गरेको उनको आरोप छ ।
सुखीपुर नगर सुधार समितिका अध्यक्ष बिपी भुवन यादवको अनुसार मेयरको तानाशाही प्रवृती र मनमौजी कार्यशैली हेरेर नै यो अभियान चलाएको स्पष्ट पारे ।
