न्यूजमधेश सम्बादाता
जनकपुरधाम ,१८ बैशाख। धनुषाको शहीद नगरपालिका वडा नम्बर २ मा बितरण गरिएको राहतको चामल सडेको र आलु कुहिएको पाइएको छ । वडा कार्यालयबाट लिएर आएको चामल र कुहिएको आलु कुहिएको पाइएको स्थानीय चन्दर साहले बताए ।
यो गाउँका चमेलीदेवी, नथुनी यादव,रामाशिष खत्बे, संजय साफी,जगदीश महरासहितकाले पाएको राहत सडेको पाइएको छ । वडा कार्यालयले बितरण गरेको राहत सडेको र कुहिएको पाइएपछि उनीहरु निराश हुँदै आक्रोशित भएका छन् ।
दिइएको राहत पनि सडेको पाइएपछि विपन्नहरुले वडा अध्यक्ष जैसी भिनबार र मेयर उदय बरबरियाबिरुद्व नाराबाजी गरेका छन् ।उनीहरुले यस्तो राहत दिने जनप्रतिनिधीलाई कार्वाहीको माग समेत गरेका छन् ।
शहीद नगरपालिकाले प्रत्येक विपन्न परिवारलाई १० किलो चामल, २ किलो दाल,१ लिटर खाने तेल र १ प्याकेट नून उपलब्ध गराउने निर्णय गरेको थियो ।
यस सन्दर्भमा वडाध्यक्ष जैसी भिनबारले आलु बिग्रिने बस्तु भएकाले कुहिएको भन्दै गैरजिम्मेवारी अभिव्यक्ति दिएका छन् ।
