न्यूजमधेश सम्बादाता
चन्द्रपुर,१८ बैशाख । रौतहटको विभिन्न स्थानीय तहमा सन्चालित क्वारेन्टाइनमा तीन सय २६ जनालाई राखिएको छ भने तीन सय ५५ जनालाई घर फिर्ता पठाईएको छ ।
भारत लगायतका अन्य मुलुक हुँदै वैदेशिक रोजगारीबाट फर्केकाहरूलाई जिल्लाका विभिन्न स्थानीय तहमा निर्माण गरिएका २१ वटा क्वारेन्टाइनमा राखिएको जिल्ला प्रशासन कार्यालयले रौतहटले जनाएको छ ।
जिल्लाका विभिन्न तहमा रहेका क्वारेन्टाइनमा हाल ३३ जना महिला र दुई सय ९३ पुरुष प्रत्यक्ष निगरानीमा राखिएको रौतहटका प्रमुख जिल्ला अधिकारी बासुदेव घिमिरेले जानकारी दिएका छन् ।
उनका अनुसार,यहाँका विभिन्न स्थानीय तहले निर्माण गरेको क्वारेन्टिनमा नौ सय ३२ वटा बेड रहेकोे छ भने हाल सम्म कोरोना भाईरस चेकजाँच गरिएको संख्या ६१ हजार पाँच सय ४१ रहेको जानकारी दिएका छन् ।
त्यसै गरी हाल स्वाब संकलन गरिएको व्यक्तिको संख्या तिन सय २३ जना तथा स्वाब परिक्षण गरिएको व्यक्तिको संख्या २ सय २४ रहेको मध्य ३ जनाको रिपोट पोजेटिभ देखिएको थियो भने बाँकी ९६ जनाको रिपोर्ट आउन बाँकी रहेकोे जिल्ला प्रशासन कार्यालयले बुधबार जारी गरेको प्रतिवेदनमा उल्लोख गरिएको छ ।
