०४ साउन २०८१, शनिबार
20-07-2024 , Sat
×

राहत बितरण ः कतै झडप, कतै घेराउ र नारावाजी

Logo
प्रकाशित मंगलबार, बैशाख २३, २०७७

न्यूजमधेश सम्बादाता
सिरहा ,२३ बैशाख । लक डाउनका समयमा विपन्नलाई राहत बितरण गर्न शुरु गरिएको अभियान शान्तिपूर्ण बन्न सकेको छैन् । प्रदेश २ का जिल्लामा दैनिक रुपमा विवाद भइरहेको छ राहत बितरण गर्ने क्रममा ।

कतै राहत बितरणमा विवाद भइरहेको छ भने कतै राहत नपाउँदा स्थानीय तह कार्यालय घेराउ समेत गर्न थालिएको छ । सोमबार राहत बितरण गर्दा सिरहामा अश्रु ग्यास प्रहार र हवाई फायर नै गर्नुपरेको छ ।

सिरहाको मिर्चेयामा सोमबार दिउँसो झड्प भएको हो । मिर्चेया नगरपालिका वडा नम्बर ७ मा पछिल्लो तीन दिन यता विपन्नलाई राहत बितरण गरिदैं आएको छ । सोमबार बितरण गर्ने क्रममा केहि व्यक्तिले हो–हल्ला गर्दै राहत बितरण नै बिथोल्न खोज्दा प्रहरी र स्थानीयबीच झड्प भएको हो ।

झड्पका क्रममा प्रहरीले चार राउण्ड अश्रु ग्यास र नौ राउण्ड हवाई फायर गरेका छन् । सिरहा प्रहरीका प्रबक्ता एवं डिएसपी बिनोद घिमिरेले हो हल्ला गर्नेहरुले ढुँगा प्रहार गर्न थालेपछि अश्रु ग्यास र हवाई फायर गर्नुपरेको बताए ।

घट्नामा पाँच जना प्रहरी र चार जना सर्वसाधारण सामान्य घाइते भएका छन् । जिल्ला प्रहरी कार्यालय सिरहाका अनुसार प्रहरी नायव उपरीक्षक सन्तुलाल जैसवार, प्रहरी सहायक निरीक्षक बिरेन्द्र मण्डल, प्रहरी हबल्दार सरस्वती चौधरी, प्रहरी जवान मोनिका अधिकारी र सबित्रा कुमाल ढुँगामुडाबाट घाइते भएपछि प्रहरीलाई हवाई फायर गर्नुपरेको हो ।

स्थानीयले राहत लिनेको सुचीमा धनीको नाम समाबेश गरिएको भन्दै बिरोध जनाएका थिए । अहिले यहाँको अवस्था सामान्य रहेको सिरहा प्रहरीका प्रबक्ता एवं डिएसपी बिनोद घिमिरेले जानकारी दिए ।

उता महोत्तरीमा राहत बितरण नगरिएको भन्दै एक स्थानीय तहको कार्यालय घेराउ गरिएको छ ।

छाँक टार्न समस्या हुँदा समेत राहत नदिएको भन्दै विपन्नहरुले सम्सी गाउँपालिका घेराउ गरेका हुन् ।

वडा कार्यालयले नाम संकलन गरी हस्ताक्षर गराएको महिना दिन बित्दा समेत राहत नदिएको भन्दै गाउँपालिका कार्यालय घेराउ गरिएको उनीहरुले बताएका छन् ।

उनीहरुले गाउँपािलिका घेराउ गर्दै जनप्रतिनिधीबिरुद्व नाराबाजी समेत गरेका थिए ।

गाउँपालिकाका अध्यक्ष शेष फारुकले राहत वितरणका लागि सबै वडा कार्यालयलाई रकम पठाइसकिएको बताएका छन् । उनले यसबारेमा आफूले बुझ्ने समेत बताए ।

कमेन्ट गर्नुहोस्
सम्बन्धित

काठमाडौं । जनमत पार्टीले प्रधानमन्त्री केपी शर्मा ओलीलाई विश्वासको मत दिने निर्णय गरेको छ। पार्टीको आजको बैठकले प्रधानमन्त्रीलाई विश्वासको मत दिने निर्णय गरेको सो पार्टीका प्रवक्ता डा. शरदसिंह यादवले जानकारी दिए। उनका अनुसार नेपाली कांग्रेस र नेपाल कम्युनिष्ट पार्टी (एमाले) बीच भएको साझेदारीमा गठन भएको वर्तमान सरकारले मधेस प्रदेशमा आफ्नो पार्टी नेतृत्वको सरकारलाई समर्थन गरेकाले […]

जनकपुरधाम । मधेश प्रदेशका नवनियुक्त श्रम तथा यातायात मन्त्री कौशलकिशोर राय यादवले प्रदेश सरकारको मुख्य प्रशासनिक केन्द्र मधेश भवनस्थित श्रम तथा यातायात मन्त्रालयमा पुगी कार्यभार ग्रहण गरेका छन् । कार्यभार सम्हालेलगत्तै मन्त्री यादवले अटोमेटेड ड्राइभिङ टेस्ट ट्रयाक सञ्चालन गर्ने पहिलो निर्णय गरेका छन् । मधेश प्रदेशका यातायात व्यवस्था कार्यालयहरूमा म्यानुअल तबरबाट चालक प्रमाणपत्रका लागि परीक्षा […]

जनकपुरधाम । दुर्घटनामा दर्जनौले ज्यान गुमाइ सकेको जनकपुर ढल्केवर सडक खण्डको बसही पुल यथाशिघ्र निर्माण गर्न माग गर्दै जनमत पार्टी मिथिला नगरपालिकाको नगर कार्य समितिले मधेश प्रदेशका मुख्यमन्त्रीलाई शुक्रवार ध्यानाकर्षण पत्र बुझाएको छ । मिथिला नगरपालिका वडा नं. २ र ६ को सिमानामा पर्ने बसही खोलाको सो पुलमा सवारी दुर्घटनामा परि दर्जर्नौ व्यक्तिको ज्यान गईसकेकोले […]