न्यूजमधेश सम्बादाता
जनकपुरधाम,६ जेठ। विश्वमा महामारीको रुपमा फैलिएको कोरोना भाइरस (कोभिड–१९) नियन्त्रणका लागि जनकपुरधाम उपमहानगरपालिकाले थप ५० बेडको क्वारेनटाइन मंगलबारदेखि संचालनमा ल्याइएको छ ।जनकपुरधाम उपमहानगरपालिका -४ स्थित रहेको गोपाल धर्मशालामा थप ५० बेडको क्वारेन्टाइन संचालनमा ल्याइएको हो ।
जनकपुरधाम उपमहानगरपालिकाका मेयर लालकिशोर साहले भने यस अघि स्वस्तिक नर्सिङ्ग होममा २५ बेडको क्वारेनटाइन संचालन गर्दै आइरहेको छ । दिन प्रति दिन कोरोना भाइरसको संक्रमित बढेपछि रोकथाम र नियन्त्रणको लागि गोपाल धर्मशालामा थप ५० बेडको क्वारेनटाइन संचालमा ल्याएको छ ।
कोरोना भाइरसको लक्षण देखापरेका र शंकास्पद मानिसहरुलाई परामर्श पश्चात् राख्नको लागि क्वारेन्टाइन संचालनमा ल्याइएपनि आवश्याकता अनुसार बेड र स्वास्थ्यकर्मी थप गर्दै जाने उपमहानगरपालिकाका मेयर साहले बताउनुभयो ।
क्वारेन्टाइनमा बस्ने मानिसहरुको लागि फ्री वाइफाइ ,विजुली ,खानेपाली ,पौष्टिकयुक्त खानाको व्यवस्था राहेको छ ।
