मनोज बनैता, सिरहा, १० जेठ । सिरहा लगायत मधेसको अधिकान्स जिल्लामा शुक्रबार वट सावित्री पर्व मनाईएको छ । दिनभरी उपास (व्रत ) बसी मनाईने यस पर्वमा बर बृक्षको पुजाआजा गरिन्छ ।
लाहान १ कि वर्तालु वर्षा साहको अनुसार पतिको लामो आयु र सन्तान प्राप्तिको निम्ति यो पर्व मनाईदै आएको हो । उनले भनिन “बट सावित्री पूजा (बरसाइत) को दिन सावित्री-सत्यवान कथा पाठ पढी मनाईने गरिन्छ । यसमा बरको बृक्षलाई पति मानी पूजा को थाली मा फल- फूल मिठाई , आँप, लीची , धानको लाबा, चना , मूंग को अंकुर, बर को फल आदि राखी बृक्षलाई अर्पण गरिन्छ ।
साथै वर बृक्षको चारै तिर बाट घुमाएर रक्षा- धागो बाँधिन्छ ।”
साहको अनुसार त्यसदिन खास गरि श्रीमानलाई पंखाको हावा ले शितलता प्रदान गर्नुको साथ साथै अंगालो समेत मार्ने गर्छन । जेष्ठ अमावस्या को दिन वट वृक्ष को परिक्रमा गर्दा ब्रह्मा, विष्णु र महेश ले विवाहित जोडी लाई सदा सुहागन रहने वरदान दिने मान्यता रहेको पाईन्छ ।
