न्यूजमधेश सम्बादाता
जनकपुरधाम ,१४ जेठ । मुलुक अहिले कोरोना भाइरसको सन्त्रासमा छ, दैनिक रुपमा कोरोना संक्रमित बढदै जानुले नेपालमा पनि कोरोना महामारी बढन सक्ने शंका पैदा भएको छ ।

तर, धनुषाको शहिद नगरपालिकाको वडा नम्बर ७ धबौली स्थित एसएनआर जनता उच्च मावि धवौलीमा सरकारले जारी गरेको लकडाउनको उल्लंघन गर्दै सयौँ विद्यार्थीलाई जम्मा पारेर निशुल्क पाइने किताबको मनपरी शुल्क असुल्दै वितरण गरेको छ ।

जहाँ सयौँ विद्यार्थीलाई जम्मा पारिएको थियो । विद्यालयका प्रधानाध्यापक श्रीप्रसाद गोहिवारको निर्देशनमा कक्षा ७, ८ र ९ का विद्यार्थीहरुलाई किताबको शुल्क लिएर वितरण गरिएको हो ।

स्थानीय तहसँग समन्वय नै नगरी विद्यालयले मनपरी गरेको जनप्रतिनिधिको आरोप छ । यता, निःशुल्क किताब वितरण गर्नुपर्नेमा विद्यार्थीहरुसँग चार सय बीस रुपैयाँ बिना बिलको रकम असुल गरिएको अभिभावकको गुनासो छ ।

विद्यार्थीलाई किताब वितरण गरेको तर रकम असुल नगरेको एक शिक्षकको दाबी छ । विद्यालयले किताब वितरण गर्नुछ भनी आफूहरुलाई बोलाएको विद्यार्थीले आरोप लगाएका छन् ।

शहिदनगर नगरपालिकामा यसभन्दा पहिले पनि सरकारले जारी गरेको लकडाउनको उल्लंघन गर्दै किताब वितरणको नाममा विद्यार्थीलाई जम्मा पारिएको थियो । यस सम्बन्धमा विद्यालयका प्रधानअध्यापकसँग सम्पर्क गर्न खोज्दा सम्पर्क हुन सकेन ।-जनता समाचार


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक  :मनोज कुमार मोरबैता
सम्पादक : मनोज बनैता
वरिष्ठ सल्लाकार : बिपी साह
वरिष्ठ सल्लाकार : श्रवण देव
वरिष्ठ सल्लाकार : सन्तोष जादब

सम्पर्क

सम्पर्क कार्यालय :जनकपुरधाम ( भानु चौक )
सम्पर्क : ९८४४५२०३२० ,९८०७७४९०००
ईमेल : [email protected]

Copyright © 2018-2020 News Madhesh