मनोज मोरबैता
जनकपुरधाम,१४ जेठ।मधेश ईन्जिनियर्स एसोसिएसनको केन्द्रीय समितिको निर्णय अनुसार विकास निर्माण , समाजिक सुधार र संगठन विस्तारगरि तीन उपसमिति गठन गरेको छ।
उपसमिति गठन गरेकोमा कोरोना भाइरस अर्थात कोभिड -१९ का कारणले विश्वव्यापी महामारीको अवस्था सिर्जना भएको सबैलाई अवगत नै हो।
त्यसको मध्यनजर गर्दै फोन , मेसेन्जर र भिडियो कन्फरेन्सको माध्यमबाट केन्द्रीय समितिको सर्वसहमतीले तीन उपसमितीमा सात-सात जना रहेको समितिमा संयोजक, सह संयोजक र पाँच जना सदस्य सहित २१ जनालाई जिम्मेवारी दिएको मधेश ईन्जिनियर्स एसोसिएसनका अध्यक्ष ई संजिव नारायण यादवले बताएका छ्न।
अध्यक्ष यादवका अनुसार संगठन बिस्तार कार्यसमिति संयोजकमा ओम नारायण यादव, सहसंयोजक तपेश्वर यादव,समितिको सदस्यीयमा स्तुति झा, रघुनन्दन ठाकुर, विकास ठाकुर, जितेन्द्र राय र रमेश कुमार यादव रहेका छन ।
त्यसैगरी विकास निर्माण कार्यसमिति संयोजकमा अविनाश कुमार मंडल, सहसंयोजकमा सितेश यादव, सदस्यमा तेजनारायण यादव, शैलेन्द्र यादव, रोशनी कुमारी झा, दयानन्द साह, बालबोध यादव रहेका छन ।
त्यस्तै समाजिक सुधार कार्यसमिति संयोजकमा मनिष प्रसाद केशरी, सहसंयोजकमा रवि पटेल र सदस्यहरुमा सफल कुमार साह, नितु राउत, नविन कुमार यादव, पल्लवी गुप्ता, मधुरेन्द्र कुशवाहा रहेको मधेश ईन्जिनियर्स एसोसिएसनका अध्यक्ष संजिव नारायण यादवले जानकारी दिए ।
