न्यूजमधेश सम्बादाता
जनकपुरधाम,१५ जेठ। प्रत्येक वडामा क्वारेन्टाइन स्थापना गर्न माग गर्दै जनकपुरधाम उप महानगरपालिकाका वडा अध्यक्षहरुले जिल्ला समन्वय समितिलाई ज्ञापन पत्र बुझाएका छन् ।
बिभिन्न वडाका अध्यक्षले सामूहिक रुपमै बुधबार वडा अध्यक्षलाई ज्ञापन बुझाएका हुन् । उनीहरुले महानगरपालिकाभित्र ५ सय बेडको क्वारेन्टाइन बनाउनुपर्ने र उप महानगरपालिकाका लागि मात्रै रियल टाइम पिसिआर मेसिन जडान गर्नुपर्ने माग राखेका छन् ।
यस्तै, जटही नाकाभित्र पालिकाका लागि आउनेलाई भोजन र यातायातको व्यवस्था गर्नुपर्नेमा पनि उनीहरुले जोड् दिएका छन् । यी मागहरु पूरा नभए रचनात्मक बिरोधका कार्यक्रम गर्ने चेतावनी पनि उनीहरुले दिएका छन् ।
वडा नम्बर १ का अध्यक्ष शत्रुद्यन साह, वडा नम्बर ५ का अध्यक्ष मनोज साह, २ का अध्यक्ष शिबकुमार साह, २२ का अध्यक्ष शिबरत्न पाण्डे, वडा नम्बर ३ का अध्यक्ष दीपेन्द्र कुमार साह, वडा नम्बर ६ का अध्यक्ष जगरनाथ साह, वडा नम्बर ७ का अध्यक्ष जानकीराम साह, वडा नम्बर ९ का अध्यक्ष प्रमेश्वर साह, वडा नम्बर १० का अध्यक्ष मिथलेश कुमार कर्णसहितकाले ज्ञापन बुझाएका हुन् ।
