न्यूजमधेश सम्बादाता
जनकपुरधाम ,१५ जेठ । जनमत पार्टीका राष्ट्रीय अध्यक्ष डा सीके राउतले आज १३औं गणतन्त्र दिवसको अवसरमा शुभकामना व्यक्त गरेका छन् ।
गणतन्त्र दिवसको अवसरमा एक शुभकामना सन्देश जारी गदै डा राउतले भने गणतन्त्र मधेशको रगतमै रहेको बताए ।
उनले दिदै भने २७०० वर्ष अगाडी जतिबेला अधिकांश विश्वलाई गणतन्त्र भन्ने थाहा पनि थिएन । त्यतिबेला मधेशमा वज्जि (वृजि) गणतन्त्र र जनताको आफ्नै शासन रहेको थियो।’ उनले सामाजिक सञ्जाल फेसबुकमा लेखेको छ – ‘पटक–पटक त्यो गणतन्त्र र जनताको शासन राजा–रजौटा र सामन्तहरूद्वारा खोसिए पनि जनताले आखिर कहाँ छाड्छ र ? गणतन्त्र मधेशको रगतमै छ ।’
गणतन्त्रमा आम–जनताको छोराछोरी राष्ट्राध्यक्ष बन्न पाउँछन्, यो नै सबभन्दा ठूलो गर्व र अतुलनीय उपलब्धिको कुरा रहेको उनले बताए ।
‘कस्ता मान्छे बने र के गरे, त्यो तपाईं हाम्रो हातमा छ किनकि आखिर चयन गर्ने र गरेको त तपाईं हामीले हो । गणतान्त्रिक व्यवस्था आफैंमा उत्कृष्ट व्यवस्था हो। यो ’जनता जनार्दन’ भनाईको प्रतिमूर्ति हो ।’ डा.राउतले शुभकामना सन्देशमा लेखेका थियो।
