०५ फाल्गुण २०८१, मंगलबार
18-02-2025 , Tue
×

जटहि नाका मृत्यु भएका बिरेन्द्रलाई शहीद घोषणा गर्न माग

Logo
प्रकाशित शनिबार, जेठ १७, २०७७

मनोज मोरबैता
जनकपुरधाम ,१७ जेठ । सरकारी लापर्वाहीकै कारण धनुषाको शहीद नगरपालिका ९ का बिरेन्द्र यादवको सीमा नाकामै ज्यान गुमाउनुपरेको भन्दै उनलाई शहीद घोषणा गर्नुपर्ने माग गरिएको छ । गत बुधबार धनुषाकै जटही नाकामा ३० बर्षीय यादवको मृत्यु भएको थियो ।

पूर्व सांसद शिबधारी यादव नेतृत्वको नेपालि काङ्ग्रेस महासमिति सदस्य सुधिर गोइत , साधु यादव ,युवा नेता शैलेन्द्र चौरवार ,रुपेश यादव ,सरबजित यादव एवं परिवारजनले शुक्रबार धनुषाका प्रमुख जिल्ला अधिकारीलाई ज्ञापन पत्र बुझाउँदै यस्तो माग गरेका हुन् ।

उनीहरुले क्षतिपूर्ती उपलब्ध गराउँदै यादवलाई शहीद घोषणा गर्न पनि उनीहरुले माग गरेका हुन् ।

भारतबाट आउने क्रममा लामो समयदेखि खाना खान नपाएका उनको बेहोस भएर मृत्यु भएको थियो ।

बेहोस भएपछि आफ्ना परिवारजनलाई यादवले फोन गरेर बोलाएका थिए । उनका भाई धीरेन्द्रसहितका केहि व्यक्ति उम्बुलेन्स लिएर गएपनि उनलाई समयमा ल्याउन नदिँदा मृत्यु भएको भन्दै उनीहरुले परिवारजनलाई क्षतिपूर्ती दिई शहीद घोषणा गर्न माग गरेका छन् ।

बीरेन्द्रकै परिश्रमबाट परिवार चल्दै आएको र उनको मृत्युपछि परिवार समस्यामा परेकाले उनीहरुको भरणपोषणको जिम्मा लिन पनि सरकारसँग आग्रह गरिएको छ ।

प्रधानमन्त्री, मुख्यमन्त्री समेतलाई बोद्यार्थ राख्दै बुझाइएको ज्ञापनमा माग पूरा नभए आन्दोलनमा उत्रने चेतावनी दिइएको छ ।

यसैबीच शहीद नगरपालिकाले उनको परिवारजनलाई रु १ लाख सहयोग उपलब्ध गराउने घोषणा गरेको छ । नगरपालिकाले मृतक यादवको परिवारलाई रु १ लाख सहयोग उपलब्ध गराउने बताएका हुन् ।

कमेन्ट गर्नुहोस्
सम्बन्धित

जनकपुर: सत्तारूढ जनमत पार्टीका मधेश प्रदेश सांसद शम्भु साहले हाम्रो राजनीति स्कुलिङ् ललिता निवास काण्ड , वाईडवडी काण्ड , भुटानी शरणार्थी काण्ड , सुन काण्ड गर्ने जस्ता नेताहरुबाट नभएको बताएका छन्। शुक्रबार बसेको प्रदेश सभा बैठकमा बोल्दै सांसद साहले काङ्ग्रेस नेता तथा संसदीय दलका नेता मा. कृष्णा यादवलाई जवाफ तेर्साएका थिए । उनी अस्ति बसेको […]

सिरहा : सिरहाको औरही गाउँपालिका वार्ड न.२ तुलसीपुरमा सडक ढलान कार्यको शिलान्यास भएको छ। सिरहा निर्वाचन क्षेत्र न.२ (१) का प्रदेश सांसद माननीय संजय कुमार यादवले शिलान्यास गरेक हो। शहरी बिकास मन्त्रालय अन्तर्गत सघन शहरी तथा भवन निर्माण आयोजना सप्तरी बाट संचालन हुने उक्त योजनाको ठेक्का श्री सरोन एण्ड ब्रदर्श कन्ट्रक्सन लहानले लिएको छ। ठेक्का […]

जनकपुरधाम । बाराको पञ्चवर्षीय मेलाबाट सिरहा फर्किन लागेको स्कार्पियो मध्यराति रौतहटको चन्द्रनिगाहपुरमा दुर्घटना भएपछि आठ जनाको मृत्यु भएको छ । नम्बर खुल्न नसकेको स्कार्पियो चन्द्रनिगाहपुर ४ स्थित पूर्वपश्चिम राजमार्गमै रुखमा ठोक्किएर दुर्घटना भएको हो । गाडीमा सवार ८ जनाको घटनास्थलमै मृत्यु भएको र अन्य केहि घाइते भएको रौतहटका प्रहरी प्रमुख एसपी दिलीप घिमिरेले जानकारी दिए […]