न्यूजमधेश डेस्क
जनकपुरधाम ,१९ जेठ ।धनुषा जिल्लाको पूर्वी क्षेत्रमा सिरहा र धनुषाको सिमाना रुपमा रहेको कमला नदीबाट आजदेखि नदी चेतना यात्राको शुभारम्भ भएको छ ।
मिथिला भूमिमा गङ्गासरह अवतरित मानिने कमला नदीको रामघाटमा नदीको पूजा आराधना गरी चेतना यात्राको शुभारम्भ गरिएको हो ।
गङ्गा अवतरणका दिवसमा “पानी रे पानी” योजनाअन्तर्गत कमला संरक्षण अभियानका अभियन्ता विक्रम यादवसहित कमला बचाउ अभियानका अभियन्ताहरुद्वारा एक कार्यक्रमको विच विधिपुर्वक शुभारम्भ गरिएको छ ।
सो यात्रा अन्तर्राष्ट्रिय नदी दिवससम्म चल्नेछ । कमला संरक्षण अभियानी यादवका अनुसार सो यात्रा कमला नदीको उद्गमस्थल सिन्धुली जिल्लाको महाभारत चुरे श्रृङ्खलादेखि भारतको कमला र कोशी संगमसम्म चल्नेछ ।
