न्यूजमधेश डेस्क
जनकपुरधाम,२० जेठ। रामजानकी मन्दिरको पोखरीमा विष हाल्दा १० लाखको घाटा भएको छ ।
सिरहाको मिर्चेया नगरपालिका १२ सिक्रोन स्थित एक पोखरीमा पालिएको माछालाई बिष हालेर मारिएको छ । माछा मर्दा १० लाख रुपैयाँको घाटा लागेको माछा पालक कृषकले बताएका छन् ।
मिर्चेया १ २ सिक्रोंन स्थित रामजानकी मन्दिरको पोखरी ठेक्कामा लिई अरबिन्द सहनी, सोनेलाल सहनी र नागे सहनीले माछा पालन गरेका थिए । पोखरीमा झण्डै ५ क्वीन्टल माछा उत्पादन भएर निकालिने तयारी गरिरहेकै अवस्थामा अज्ञात व्यक्तिले बिष हालिदिएको उनीहरुले बताएका छन् ।
‘५ क्वीन्टल जति माछा उत्पादन भइसकेपछि एक साताअघि मात्रै ६० हजार रुपैयाँको भुर्रा खरीद गरेर हालेका थियौं’ माछा पालक नागेले भने, “तर सबै लगानी बर्बाद भयो ।”
