१५ चैत्र २०८०, बिहिबार
28-03-2024 , Thu
×

सर्लाहीमा ग्यास चुल्हा र सिलिण्डर दिने भन्दै रकम असुली गर्ने महिला पक्राउ

Logo
प्रकाशित बुधबार, जेठ २१, २०७७

न्यूजमधेश सम्बादाता
सर्लाही,२१ जेठ। सस्तोमा ग्यास चुल्हो र सिलिण्डर समेत दिने भन्दै सयौं सर्वसाधारणसँग रकम असुली गरी फरार भएकी सर्लाहीकी एक महिलालाई प्रहरीले पक्राउ गरेको छ ।

पक्राउ पर्नेमा गोडैता नगरपालिका ३ बस्ने राजरानी कुमारी कुशवाहा छिन् । उनले जिल्ला प्रशासन कार्यालय रौतहटमा नेपाल लाइफ सेटल च्यारिटी ट्रष्ट नामक संस्था दर्ता गराई रौतहटकै चन्द्रप्ुर ४ मा कार्यालय राखेको बताएकी थिइन् । आफ्नो कार्यालयमा मलेसिया सरकारको आर्थिक सहयोग प्राप्त रहेकाले गरीब, विपन्नलाई ६ हजार सेट पर्ने ग्यास चुल्हा र सिलिण्डर ३५ सयमै उपलब्ध गराउने भन्दै सयौं सर्वसाधारणसँग रकम असुली गरेको सर्लाही प्रहरीका प्रबक्ता मदन कुँवरले जानकारी दिए ।

कुसवाहा सर्लाहीको बिभिन्न ठाउँका सर्वसाधारण, सोझासाझा गरीब, विपन्न परिवारसँग रकम लिएर ग्यास चुल्हा र सिलिण्डर नदिई फरार भएकी थिइन् । उनलाई सोमबार पक्राउ गरी ठगी, अपराधिक विश्वासघात तथा अपराधिक लाभको कसूरमा मुद्दा दर्ता गरी थप अनुसन्धान थालिएको प्रबक्ता कुँवरले बताए ।

कमेन्ट गर्नुहोस्
सम्बन्धित

काठमाडौँ । जनमत पार्टीले बैशाख १५ गते हुने उपनिर्वाचन अन्तर्गत इलाम-२ मा प्रेमदीप थाम्सुहाङलाई उम्मेदवार बनाउने निर्णय गरेको छ । पहिचानवादीहरूको तर्फबाट थाम्सुहाङ उम्मेदवार बनाउने निर्णय भएको अध्यक्ष डा. सीके राउतले बताए । थाम्सुहाङ किराँत-लिम्बुवान प्रदेश नामांकन अभियानका राष्ट्रिय अध्यक्ष हुन् । जनमतको हालै बसेको केन्द्रीय समितिको बैठकले कोशी प्रदेशमा चलिरहेको पहिचान आन्दोलनको मर्मबमोजिम पहिचानसहितको […]

जनकपुरधाम । गएराति सर्लाहीको चक्रघट्टा गाउँपालिका-३ सुन्द्रपुरबाट एक मोटरसाइकल चोरी भएको छ। स्थानीय रबिन्द्र कुमार पण्डितको घरबाट उनको प्रदेश-०२-००५ प २८६२ नम्बरको टिभिएस कम्पनीका बुल्लु रंगको एप्पाच्ची मोटरसाइकल चोरी भएको हो। एक सय ५० सीसीको सो मोटरसाइकल राति घरबाटै चोरी भएको मोटरसाइकल धनी पण्डितले बताए ।

जनकपुरधाम। मधेशका मुख्यमन्त्री सरोजकुमार यादवले नेकपा एमालेबाट थप तीन मन्त्री नियुक्त गर्दै मन्त्रिपरिषद् विस्तार गरेका छन् । आज शनिबार एमालेका प्रदेशसभा सदस्यहरु सत्रुधन प्रसाद सिंह कोइरी, राजकुमार लेखी र स्वतन्त्र जितेर एमाले प्रवेश गरेका प्रमोद जयसवालले प्रदेश प्रमुख सुमित्रा भण्डारीसमक्ष मन्त्री पदको शपथ लिएका छन् । राजकुमार लेखीले गृह, सञ्चार तथा कानून, शत्रुधन सिंहले स्वास्थ्य […]