न्यूजमधेश डेस्क
जनकपुरधाम,२१ जेठ । लकडाउनबाट प्रभावित भएका ७१ घरपरिवारलाई जनमत पार्टीले राहत वितरण गरेको छ।
खाडी मुलुकमा रहेका जनमत पार्टीका नेता तथा कार्यकर्ताहरुको आर्थिक सहयोगमा सिरहाको बरियारपट्टि गाउपालिका वडा नं.४ तेनुवापट्टिमा पार्टीका गाउपालिका संयोजक जितेन्द्र यादवको अध्यक्षता अति विपन्न र अशक्त र दैनिकी काम गरेर गुजारा चलाउ ७१ घरपरिवारलाई राहत वितरण गरेको छ।
राहत वितरण कार्यक्रममा जनमत पार्टी सुखिपुर नगरपालिकाका संयोजक सन्तोष कुमार यादव,पार्टीका औरही गाउपालिका २ का नेता सुजि मण्डल , युवा नेता मनोज ठाकुर,स्थानिय युवा राम बाबु मण्डल ,प्रदिप यदुवंशी यादवलगाइतका उपस्थितिमा ७१ घर परिवारलाइ मंगलबार राहत प्रदान गरेको छ ।
संयोजक जितन यादवले भने स्थानीय सरकार राहत वितरण गरेपनि जसलाई राहतको आवश्यकता रहेको घरपरिवारलाई राहत नदिई यस्ता विपत्रको समयमा सबै जना मिलेर कोरोना भाइरस विरुद्धको लडाइमा एक जुड भएर सहयोग गर्नु पर्ने आवस्यकता रहेको बताए ।
