न्यूजमधेश डेस्क
सप्तरी,२४ जेठ । सप्तरीमा एक जना बालकको शव फेला परेको छ । हत्या गरिएको अवस्थामा बालकको शव शुक्रबार फेला परेको छ ।
जिल्लाको महदेवा गाउँपालिका वडा नम्बर २ अकवरपुर निवासी सूर्यनाराया यादवका ४ बर्षीय छोरा सुधीरको शव हत्या गरिएको अवस्थामा शव फेला परेको हो ।
मृतक बालकको अनुहारमा चोट लागेको अवस्थामा घर नजिकैको पोखरीमा शव फेला परेको छ । परिवारजनका अनुसार बालक ३ दिनदेखि वेपत्ता रहेका थिए । उनी गत बैशाख २० गते साँझदेखि वेपत्ता भएको र व्याप्क खोजी गर्दा घर नजिकैको पोखरीमा मृत फेला परेको मृतकका पिता सूर्यनारायणले बताए ।
सप्तरी प्रहरीका प्रबक्ता तिलक भारतीले मृतक बालकको धरानस्थित घोपा क्याम्पमा पोष्टमार्टम गराइएको जानकारी दिए । उनले पोष्टमार्टमको रिपोर्ट आएपछि थप अनुसन्धान शुरु गरिने जानकारी दिए ।
