जोगिन्द्र मण्डल
साउदी ,२५ जेठ ।विश्व भरि छरिएर रहेका मधेशीहरूको छाता संगठन गैर आवासीय मधेशी संघ साउदी अरब शाखाले शनिबार साउदी जुवेलमा फसेका मधेशी कामदारहरूलाई १५ दिनको राहत दोस्रो चरणमा बितरण गरेको छ।
उक्त कामदारहरूले बिगत तिन महिना देखि तलब नपाएको र कम्पनीले काममा पनि नलगेको साथै बिरामी पर्दा पनि हेरचाह नगरेको गुनासो समेत गरेका छन् ।
आफुहरूलाई कुनै पनि संघ संस्था ले सहयोग नगरेको ले अहिले सम्म बाकाला(किराना)पसल बाट उधारो खांदै आएको थियो । गैर आवासीय मधेशी संघ साउदी अरबको टिमले सो पिडित कामदारहरू लाई १५ दिनको राहत उपलब्ध गराएको छ।
उक्त राहत त्यस संस्थाको सदस्य आयुब कबारी को व्यक्तिगत सहयोग र सह -अधिकारी उपेन्द्र ,गरभु महरा र यायुब कबारी को संयुक्त रोहबरमा राहत बितरण को काम सम्पन्न भएको छ।
अध्यक्ष निर्मल मण्डल का अनुसार साउदी अरब मा हजारौ त्यस्ता कामदार हरू फसेको छ र दिनहुं सयौ फोन हामी लाई उद्दार गर्नु भनेर आउंछ। हामी सहयोगी हाथहरु खोजेर यो राहत उपलब्ध गराईरहेका छौं उहांले भन्नु भयो।
साथै प्रबासमा अहिले कोरोना को कारण कम्पनी बाट बिस्थापित हुनेहरूको संख्या बृद्धि हुदै गईरहेको छ।नेपाल सरकार र नेपाली राजदुताबास ले अझैं पिडित सम्म पुग्न सकिरहेको छैन।
अहिलेको यो बिकराल अवस्थामा गैर आवासीय मधेशी संघ हरेक देशमा समन्वय गर्ने प्रयासमा रहेको र स्वदेश फर्केका हरूको लागि स्वरोजगार योजनाको बारेमा बृहत छलफलमा रहेको छ।गैर आवासीय मधेशी संघ अंतराष्ट्रिय समितिका अध्यक्ष बसन्त कुशवाहा ले जानकारी दिनु भयो।
