०५ फाल्गुण २०८१, मंगलबार
18-02-2025 , Tue
×

सीमामा प्राण त्यागेका बिरेन्द्रको परिवारलाई अमेरिकाबाट तीन लाख सहयोग

Logo
प्रकाशित आइतबार, जेठ २५, २०७७

न्यूजमधेश डेस्क
जनकपुरधाम,२५ जेठ। भारतबाट घर आउने क्रममा जटही सिमामै प्राण त्यागेका धनुषाको शहीद नगरपालिका ९ निवासी बिरेन्द्र यादवको परिवारलाई अमेरिकाबाट सहयोग प्राप्त भएको छ । अमेरिकामा रहँदै आएका दुई जना नेपालीले यादवको परिवारका लागि तीन लाख रुपैयाँ पठाएका छन् ।

अमेरिकामा बस्दै आएका भीम कार्की र शंकर पन्तले ती रकम पठाएका हुन् । यी दुबै प्रवासी नेपाली एकता मंच अमेरिका (ओभरसिज नेपाली युनिटी फोरम) का हुन् । कार्की संस्थापक एवं वरिष्ठ नेता हुन भने पन्त महासचिव ।

अमेरिकी कानुन अनुसार ५०१ सि ३ अन्तर्गतको गैर नाफामूलक संस्थाको रुपमा दर्ता भएको उक्त संस्थाका यी दुबैले रकम पठाएका हुन् ।

रकम लिएर काठमाडौं निवासी दामोदर सुवेदीले मृतक यादवको घरमै आएर रकम हस्तान्तरण गरेका छन् ।

जलश्रोत डटकमका संचालक समेत रहेका सुवेदीले मृतक बिरेन्द्रकी पत्नी सवितालाई रकम बैंकमा जम्मा गरिएको भौचर प्रदान गरे ।

बिरेन्द्रको परिवारमाथि भएको ऋणको बोझ कम गराउने मात्र होइन्, ती दुबैले उनको छोरा छोरीलाई शिक्षामा पनि सहयोग गर्ने भएको सुवेदीले बताए । बिरेन्द्रका छोराछोरीको नाममा रु १ लाखको अक्षय कोष खड गरेर शिक्षामा सहयोग गर्ने इच्छा कार्की र पौडेलले व्यक्त गरेको सुवेदीले सुनाए ।

कमेन्ट गर्नुहोस्
सम्बन्धित

जनकपुर: सत्तारूढ जनमत पार्टीका मधेश प्रदेश सांसद शम्भु साहले हाम्रो राजनीति स्कुलिङ् ललिता निवास काण्ड , वाईडवडी काण्ड , भुटानी शरणार्थी काण्ड , सुन काण्ड गर्ने जस्ता नेताहरुबाट नभएको बताएका छन्। शुक्रबार बसेको प्रदेश सभा बैठकमा बोल्दै सांसद साहले काङ्ग्रेस नेता तथा संसदीय दलका नेता मा. कृष्णा यादवलाई जवाफ तेर्साएका थिए । उनी अस्ति बसेको […]

सिरहा : सिरहाको औरही गाउँपालिका वार्ड न.२ तुलसीपुरमा सडक ढलान कार्यको शिलान्यास भएको छ। सिरहा निर्वाचन क्षेत्र न.२ (१) का प्रदेश सांसद माननीय संजय कुमार यादवले शिलान्यास गरेक हो। शहरी बिकास मन्त्रालय अन्तर्गत सघन शहरी तथा भवन निर्माण आयोजना सप्तरी बाट संचालन हुने उक्त योजनाको ठेक्का श्री सरोन एण्ड ब्रदर्श कन्ट्रक्सन लहानले लिएको छ। ठेक्का […]

जनकपुरधाम । बाराको पञ्चवर्षीय मेलाबाट सिरहा फर्किन लागेको स्कार्पियो मध्यराति रौतहटको चन्द्रनिगाहपुरमा दुर्घटना भएपछि आठ जनाको मृत्यु भएको छ । नम्बर खुल्न नसकेको स्कार्पियो चन्द्रनिगाहपुर ४ स्थित पूर्वपश्चिम राजमार्गमै रुखमा ठोक्किएर दुर्घटना भएको हो । गाडीमा सवार ८ जनाको घटनास्थलमै मृत्यु भएको र अन्य केहि घाइते भएको रौतहटका प्रहरी प्रमुख एसपी दिलीप घिमिरेले जानकारी दिए […]