न्यूजमधेश डेस्क
जनकपुरधाम,२७ जेठ। जनकपुरधामका एक दम्पतिले लकडाउनका कारण समस्यामा परेका २ सय ५० परिवारलाई निःशुल्क खाना खुवाएका छन् ।
जनकपुरधाम उप महानगरपालिका ७ निवासी रामनारायण साह र चन्द्रकला देवीले लकडाउनका कारण समस्यामा परेका विपन्न परिवारलाई खाना खुवाएका हुन् । जनकपुरधामको बिभिन्न ठाउँका विपन्नलाई दुबैले खाना खुवाए ।
रामजानकी तेली कुट्टीद्वारा जनकपुरधाममा संचालित निःशुल्क भोजन शिविर प्रारम्भ गरिएको छ । यो शिबिरमा मनकारी मनले विपन्नका लागि प्रत्येक दिन खानाको व्यवस्था गर्दै आइएको छ । सोमबार ११ औँ दिन साह दम्पतिले खानाको जोहो गरेका हुन् ।
साह दम्पतिले मनकारी मन भएका व्यक्तिलाई विपन्नका लागि सहयोग गर्न आह्वान समेत गरेका छन् ।
