न्यूजमधेश डेस्क
जनकपुरधाम ,२७ जेठ ।धनुषाको हंसपुर नगरपालिकाको विभिन्न क्वारेन्टाइनमा स्थानिय युवाहरुले आवश्यक स्वास्थ्य सामाग्री वितरण गरेको छ ।
स्थानिय युवा बलिराम कापरी र दिपेन्द्र कापरीले सोमबार हंसपुर नगरपालिकाको ननुपट्टि क्वारेनटाइनमा, बघचौरा क्वारेनताइनमा र नौवाखोइर क्वारेनटाइनमा रहेका स्वास्थ्यकर्मीहरुको स्वाथ्यको मध्यनजर गरेर तिन वटै क्वारेनटाइनलाई २ सेट पिपीइ ,बुट कभर, हेयर कभर, ग्लबस, फेश शिल्ड, फेस भाइजर, KN-95 मास्क सहितका स्वास्थ्य सामग्रीहरु सहयोग गरेको छ ।
त्यसैगरी क्वारेनटाइनमा रहेका मानिसहरुको लागि १५० पिस सर्जिकल मास्क र १ . ५ किलोको ३ पिस सेनिटाइजर सहयोग गरेको छ ।
सो क्वारेन्टाइनहरुमा दिनरात खटिने स्वास्थ्यका कर्मचारीहरुको मध्ये नजर गर्दै सुरक्षा सामाग्री सहयोग गरेको छ । उक्त सामाग्री बितरणमा सहयोग गर्ने आमिन राइन, शिव यादव र बिजय साहलाइ युवा कापरीले धन्यवाद समेत दिएको छ ।
