न्यूजमधेश डेस्क
जनकपुरधाम ,२८ जेठ । प्रदेश २ मा पछिल्लो २४ घण्टामा ३७ जना कोरोना संक्रमित निको भएका छन् । धनुषाको लक्ष्मिनियाँ गाउँपालिकास्थित विपि मेमोरियल पोलिटेक्निकल ईन्टिच्यूटको आईसोलेसन कक्षमा उपचाररत रहेका ३० जना कोरोना संक्रमितहरु मंगलबार निको भएर घर फर्केका छन् ।
उनीहरुको लगातार दोस्रो स्वाव परीक्षणको रिपोर्ट नेगेटिभ आएपछि डिस्चार्ज गरिएको सामाजिक विकास मन्त्रालयले जनाएको छ ।
डिस्चार्ज हुनेमा धनुषाको मुखियापट्टी मुसहर्नियाँ गाउँपालिकाका २४, २८, ३०, ३५ र ४५ बर्षका पुरुषहरु भएका छन् । सोही गाउँपालिकाका बर्ष २५, २६, २७, ३३, ३७ र ४२ बर्षका पुरुषहरु समेत डिस्चार्ज भएका छन् ।
धनुषाकै हंसपुर कठपुल्ला नगरपालिकाका ४० र ५० का दुई जना पुरुष, १९ र २० थप दई जना पुरुषहरु पनि डिस्चार्ज भएका छन् ।
सवैला नगरपालिकाका ३७ बर्षका पुरुष, जनकपुरधाम उपमहानगरपालिकाका विभिन्न वडाहरु, कमला नगरपालिकाका विभिन्न वडाहरु, मुखियारपट्टी मुसहरनिया नगरपालिका, गणेशमान चार नाथ नगरपालिका र सवैला नगरपालिकाको विभिन्न वडाका २१, २२, २३ र ३२ बर्षका ४ जना तथा २७ बर्षका २ जना पुरुषहरुगरी ६ जना डिस्चार्ज भएका छन् ।
यस्तै, सिराहा र खोटाङ्ग स्थायी घर भई धनुषा जिल्लामा बस्दै आएका बर्ष १९, २० र २४ बर्ष उमेर ३ जना पुरुषहरु पनि डिस्चार्ज भएका छन् । धनुषा जिल्ला कमला नगरपालिका वडा नम्वर ७ का २१ र २७ बर्षिय पुरुषहरु डिस्चार्ज भएका छन् ।
धनुषाकै नगराईन नगरपालिकाका ३७ र सवैला नगरपालिकाका २० र ४० बर्षका पुरुषहरु पनि डिस्चार्ज भएका छन् । धनुषा कै गणेशमान चारनाथ नगरपालिकाका २१ बर्षिय पुरुष पनि डिस्चार्ज भएका छन् ।
जनकपुरस्थित प्रादेशिक अस्पताल अन्तर्गतको कोभिड विशेष अस्पतालबाट ७ जना पुरुषहरु समेत उपचार पश्चात डिस्चार्ज भएका छन् ।
पछिल्लो चौविस घण्टामा ३७ जना सहित यस प्रदेशमा हालसम्म २ सय ६३ जना कोरोना संक्रमितहरु उपचार पश्चात डिस्चार्ज भएको सामाजिक विकास मन्त्रालयले जनाएको छ ।
