न्यूजमधेश डेस्क
जनकपुरधाम , ३१ जेठ । विदेशमा रहेका जनमत पार्टीका नेता तथा कार्यकर्ताहरुको आर्थिक सहयोगमा लकडाउनबाट प्रभावित एक सय घरपरिवारलाई राहत वितरण गरेका छ ।
सिरहाको औरही गाउपालिका वडा नम्बर ४ इटाटारका एक सय अति विपन्न घरपरिवारलाई छाक टार्न समस्या भएको देखेपछि जनमत पार्टीका वडा कार्यसमिति सहकार्यमा राहत वितरण गरेको पार्टीका वडा संयोजक देवेन्द्र यादवले जानकारी दिएको छ ।
संयोजक यादवका अनुसार राहतमा चावल,आटा,दाल,मुर्ही,नुन,तेललगाइतका सामाग्री वितरण गरेको छ ।
सो राहत वितरण कार्यक्रममा पार्टीका केन्द्रीय सदस्य राजकुमार यादव प्रशिक्षण विभाग प्रमुख संजय यादव औरही गाउपालिका संयोजक पंकज कुमार सिंह लगाइतका स्थानिय युवाहरुको समेत उपस्थिति रहेको थियो ।
