न्यूजमधेश डेस्क
जनकपुरधाम, ७ असार । जनता समाजवादी पार्टीका प्रमुख सचेतक उमाशंकर अरगरियाले विवाह गरेर आउने महिलालाई सात बर्षपछि नागरिकता दिने नेपाल कम्युनिष्ट पार्टी (नेकपा) ले गरेको निर्णयप्रति पुर्नविचार गर्न ध्यानाकर्षण गराएका छन् ।
सचेतक अरगरियाले आईतबार बिज्ञप्ती जारी गर्दै नेकपाको यो निर्णय विवेकहिन, सम्प्रदायिक र विभेदकारी रहेको बताएका छन् ।
नागरिकता प्राप्ति गर्ने प्रकृयामा पुरुष र महिला अर्थात बुहारी र ज्वाइँबीच असमानता र विभेद गरिनुहुन्न’ अरगरियाले भनेका छन्, “यो ऐन मुख्यतः मधेसी समुदाय प्रति लक्षित गरिएको भएतापनि यसले लैङ्कि असमानता र जातीय विभेदलाई नै निरन्तरता दिने कार्य गरेको छ ।”
यसबाट राज्यबिहिनताको स्थिति सृजना भई राष्ट्रिय एकताको भावनालाई पनि कमजोर पार्ने जनाउँदै अरगरियाले वैवाहिक अङगीकृत नागरिकताको सम्बन्धमा पहिलाकै संविधानहरु र नागरिकता ऐनमा भएको ब्यवस्था नै उपयुक्त हुने बताएका छन् ।
