कमल कुमार मण्डल
राजविराज, ९ असार ।डा. सिके राउत नेतृत्व जनमत पार्टीको भातृ संगठन अन्तर्गत शिक्षक जनमत संघ सप्तरीको तदर्थ समिति गठन गरिएको छ ।

सप्तरीको राजविराज स्थित रहेका जनमत पार्टी सप्तरीको कार्यलयमा बुधवार अयोजना गरिएको एक कार्यक्रम बिच अशोक कुमार साहको संयोजकत्वमा २१ सदस्यीय तदर्थ समिति गठन गरिएको हो ।

यसै गरी सह-संयोजकमा दिपक सिंह, सचिव शिव शंकर साह, सहसचिव ओम प्रकाश रजक, कोषाध्यक्ष ललिता सिंह रहेका छन् भने सदस्यमा विरेन्द्र, रामभरोस, सुधा, रमेश, जलेश्वर, खुशिलाल, शिवशंकर, रविन्द्र, रोशन, मनोज, राधेश्याम, शुनिल, पंकज, श्यामकुमार यादवलगायतका व्यक्तिहरुलाई चयन गरिएको छ ।

शिक्षक जनमत संघका केन्द्रिय सदस्य तिरथानन्द यादवको अध्यक्षतामा आयोजना गरिएको कार्यक्रमको प्रमुख अतिथि जनमत पार्र्टीका केन्द्रिय सदस्य सुरेन्द्र मधेशी रहेको थिए ।

कार्यक्रममा जनमत पार्टीको केन्द्रिय सदस्य तथा सञ्चार प्रमुख एवम सप्तरीका इन्चार्ज सुर्यदेव यादव, सोहि पार्टीको केन्द्रिय सदस्य तथा अन्तर्राष्ट्रिय समितिको उपाध्यक्ष एवम गैर आवासिय मधेशी संघ कतारका प्रतिनिधि सुरेन्द्र नारायण यादव, जनमत पार्टी सप्तरीका संयोजक चन्देश्वर मण्डल (किसान), जनमत युवा संघ सप्तरीका संयोजक मनोज यादव, राजविराज नगर संयोजक नारायण यादव, जनमत शिक्षक संघका केन्द्रिय सदस्य श्रवण कुमार शर्मा, लोकेन्द्र ठाकुर, रामकुमार शर्मालगायतले मन्तव्य व्यक्त गरेका थिए ।

शिक्षा तथा पठन पाठनको गुणस्तर बढाउन, शिक्षकहरुको हक हितको लागि संघर्ष गर्नका लागी नै यो संगठनको आवश्यकता भएको वक्ताहरुको भनाई रहेको थियो । कार्यक्रममा उद्घोषण जनमत पार्टी सप्तरीका सदस्य सञ्जय मधेशीले गरे ।

सम्बन्धित

बिभिन्न पार्टी प्रत्यागगरि २ दर्जन नेता जनमत पार्टीमा प्रवेश

सङ्क्रमणको उच्च जोखिम रहेकै ठाउँका स्वास्थ्य संस्था बन्द

अस्त ब्यस्त लाहान र प्रहरीको भुमिका

संचार विधेयकविरुद्वको आन्दोलनमा राज्य मन्त्रीदेखि सांसदसम्मको समर्थन

ट्राफिक प्रहरीले कोरोनाबाट जोगिन मास्क बाँड्दै

विजुलीको तार चुडिएर बाटो अवरुद्ध ,कर्मचारी समयमा नपुग्दा स्थानीय त्रसित