न्यूजमधेश डेस्क
जनकपुरधाम,९ असार। नागरिकता ऐन संसोधन विधेयकको विरोधमा ढल्केवरमा प्रदर्शन गरिएको छ ।
जनमत पार्टीले विधेयकप्रति असहमति जनाउँदै मंगलबार ढल्केवरमा प्रदर्शन गर्दै कोणसभा समेत गरेको हो ।
ढल्केवरको पार्कवाट सुरु भएको विरोध प्रदर्शन नगरका कुशवहा चौक,कृषि बजार लगाइत विभिन्न स्थान परिक्रमा गर्दै पुर्न : ढल्केवरको पार्क पुगेर कोणसभामा परिणत भएको थियो ।
प्रदर्शनमा सहभागी नेता कार्यकर्ताहरुले ‘मधेशी विरुद्ध नागरिकता विधेयक खारेज गर’, ‘केपी ओली सरकार राजनीमा देऊ’ लगायतका नारा लगाएका थिए ।
प्रदर्शनमा जनमत पार्टी धनुषाका ईन्चार्ज अनिता साह,दलित जनमत संघका नेता रघुबिर दास,पार्टीका युवा नेता ओम बिक्रम कुशवहा,राजेश साह लगायतको सहभागिता रहेको थियो ।
जनमत पार्टीका नेता तथा कार्यकर्ताहरुले मधेशका विभिन्न जिल्लाहरुमा पनि नागरिकता विधेयकविरुद्ध प्रदर्शन गरेका छन।
