न्यूजमधेश डेस्क
जनकपुरधाम्,१० असार । । धनुषाको औरी गाउँपलिकामा सामुदायिक भवन बनाइदिन भन्दै जिल्ला प्रशासन कार्यालयमा मंगलबार ज्ञापन पत्र बुझाइएको छ ।
सांसद उमाशंकर अरगरियाले उपलब्ध गराएको बजेट स्थानीय तहले कार्यान्वयन गर्न नचाहेको भन्दै प्रशासनको ध्यानाकर्षण गराइएको हो ।
सांसद अरगरियाको संसदीय कोषबाट औरही गाउँपालिका ३ मा मण्डल सेवा समितिको जग्गामा सामुदायिक भवन निर्माणका लागि रु ५० लाख योजना छुट्टयाइएको छ । तर गाउँपालिका अध्यक्ष ब्रहमदेव यादव र प्रमुख प्रशासकीय अधिकत सन्तोष शर्माले उक्त कार्य सम्पादन गर्न नचाहेको भन्दै जनता समाजवादी पार्टीका स्थानीय नेताहरुले मंगलबार प्रमुख जिल्ला अधिकारीलाई ज्ञापन पत्र बु्झाएका छन् ।
ज्ञापनमा सामुदायिक भवनको कार्य सम्पादन गर्न आग्रह गर्दै आएपनि अध्यक्ष र प्रशासकीय अधिकृतले दूषित मनसाय राखीे कार्य सम्पादन गर्न गर्न नचाहेकाले गराइदिन आग्रह गरिएको छ ।
जनता समाजवादी पाटीएका गाउँपालिका संयोजक शत्रुद्यन यादव, स्थानीय नेताहरु प्रमोद कुमार अधिकारी, गोकुल मण्डल, आनन्द अधिकारी, कमलदेव मण्डलसहितकाले ज्ञापन पत्र बुझाएका हुन् ।
