न्यूजमधेश सम्बादाता
कैलाली ,११ असार ।कैलालीमा एकजना प्रहरी निरीक्षक र एक जना कानुन व्यवसायी ५० हजार घुससहित पक्राउ परेका छन्।
अख्तियार दुरुपयोग अनुसन्धान आयोगको कञ्चनपुर कार्यालयले जिल्ला प्रहरी कार्यालय कैलालीमा कार्यरत प्रहरी निरीक्षक प्रकाशसिंह कार्की र कानुन व्यवसायी हिमालय विक्रम विष्टलाई बिहीबार पक्राउ गरेको हो। अख्तियार दुरुपयोग अनुसन्धान आयोग कञ्चनपुरको टोलीले कानुन व्यवसायी विष्टको फर्ममा छापा हानेको थियो।
उनीहरु दुवैजनालाई ५० हजार घुससहित पक्राउ गरिएको अख्तियार कञ्चनपुरका सूचना अधिकारी टोपबहादुर विष्टले जानकारी दिए। जवरजस्तीकरणी र सार्वजनिक हितविरुद्धको दुई मुद्दा मिलाइदिन्छु भन्दै उनीहरुले ५० हजार घुस लिएको खुलेको सूचना अधिकारी विष्टले बताए।
उनका अनुसार कानुन व्यवसायी विष्टले बिचौलियाको भूमिका खेलेका थिए। त्यही क्रममा घुस रकम बुझ्न प्रहरी निरीक्षक विष्ट कानुन व्यवसायीको फर्ममा आएको समयमा पक्राउ परेका हुन्।
