न्यूजमधेश डेक्स 
जनकपुरधाम ,१५ असार । प्रदेश २ का स्थानीय तहका जनप्रतिनिधीले बिभिन्न सुविधाको नाममा रकम पाउने भएका छन् ।

प्रदेशभित्रका स्थानीय तहका जनप्रतिनिधीले यसअघि तलव नै भनेर पाउँदै आएकोमा गत कात्तिक १ गते यसलाई असंवैधानिक भन्दै सर्वाेच्चले दिन रोक लगाएको थियो ।

यसको लामो समयपछि चुप सेको प्रदेश सरकारले शनिबार मात्रै स्थानीय तहका पदाधिकारी र सदस्यले पाउने सुविधाको सम्बन्धमा व्यवस्था गर्न विधेयक प्रदेश सभामा पेश गरेको छ ।

सिधै तलव नभनिएपनि सबारी मर्मत सम्भार, यातायात खर्च, पत्रपत्रिका इन्टरनेट, टेलिफोन, मोवाइल रिचार्ज, अतिथी सत्कार र दैनिक भ्रमण भत्ताको नाममा उनीहरुका लागि रकम छुट्टयाइएको छ । अधिकांस रकम मासिक रुपमा पाउने जनप्रतिनिधीले इन्धन, मोविल, अनुगमन भत्ता, चाडपर्व खर्च, पोशाक भत्ता भने छुट्टै पाउने भएका छन् ।

यो विधेयकमा बिभिन्न सुविधाबाहेक गाउँपालिका अध्यक्षले २६ हजार, उपाध्यक्षले ३५ हजार ६ सय (यातायात वापत रु १२ हजार सहित), वडा अध्यक्षले १० हजार यातायातसहित २४ हजार ५ सय, कार्यपालिका सदस्यले ४ हजार यातायातसहित १० हजार र सभा सदस्यले १५ सय यातायातसहित ७ हजार मासिक रुपमा पाउने उल्लेख गरिएको छ ।

नगरपालिका प्रमुखले ३० हजार, उप प्रमुखले यातायात वापतको १५ हजारसहित ४२ हजार ३ सय, वडा अध्यक्षले १० हजार यातायात वापतको १० हजारसहित २५ हजार १ सय, कार्यपालिका सदस्यले यातायात वापतको ४ हजारसहित १० हजार १ सय र सभा सदस्यले १५ सय यातायातसहित ७ हजार १ सय पाउने विधेयकमा प्रस्ताव गरिएको छ ।

उप महानगरपालिका प्रमुखले ३५ हजार ५ सय पाउने छन् । उप प्रमुखले यातायात वापत १५ हजारसहित ४५ हजार, वडा अध्यक्षले १३ हजार यातायातसहित २८ हजार ६ सय, कार्यपालिका सदस्यले ४ हजार यातायातसहित १० हजार ६ सय र सभा सदस्यले १५ सय यातायातसहित ७ हजार १ सय पाउने प्रस्ताव गरिएको छ ।

महानगरपालिकाका प्रमुखले ३५ हजार ५ सय तथा उप प्रमुखले १५ हजार यातायाातसहित ५० हजार पाउने प्रस्ताव विधेयकमा गरिएको छ ।

वडा अध्यक्षले १३ हजार यातायातसहित ३० हजार ६ सय, कार्यपालिका सदस्यले ६५ सय यातायातसहित १३ हजार ६ सय र सभभा सदस्यले १५ सय यातायातसहित ७ हजार १ सय पाउने भएका छन् ।

जिल्ला समन्वय समितिका प्रमुखले ३५ हजार ५ सय, उप प्रमुखले १५ हजार यातायातसहित ५० हजार ५ सय र सदस्यले ५ हजार यातायातसहित १२ हजार ६ सय पाउने प्रस्ताव विधेयकमा गरिएको छ ।

स्थानीय तहका पदाधिकारीले केहि शिर्षकका सुविधा भने समान रुपमा पाउने भएका छन् । चाडपर्व खर्च सबैले समान १५ हजारका दरले, पोशाक भत्ता १० हजारका दरले पाउने छन् । यो दुई सुविधा बार्षिक रुपमा दिइने विधेयकमा उल्लेख छ ।

साथै विदेश भ्रमण गर्दा पनि दैनिक भत्ता गाउँपालिका र नगरपालिकाका पदाधिकारीले समान पाउनेछन् । विदेश भ्रमण गर्दा दैनिक १५० अमेरिकी डलर उनीहरुले पाउनेछन् ।

यस्तै, उप महानगरपालिका, महानगरपालिका र जिल्ला समन्वय समितिका पदाधिकारीले भने विदेश भ्रमण गर्दा १७५ अमेरिकी डलर दैनिक रुपमा भत्ता पाउनेछन् । विदेश भ्रमण गर्दा पनि सबैको यात्रा बिमा शुल्क प्रति भ्रमणमा १० लाख तोकिएको छ ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक  :मनोज कुमार मोरबैता
सम्पादक : मनोज बनैता
वरिष्ठ सल्लाकार : बिपी साह
वरिष्ठ सल्लाकार : श्रवण देव
वरिष्ठ सल्लाकार : सन्तोष जादब

सम्पर्क

सम्पर्क कार्यालय :जनकपुरधाम ( भानु चौक )
सम्पर्क : ९८४४५२०३२० ,९८०७७४९०००
ईमेल : [email protected]

Copyright © 2018-2020 News Madhesh