न्यूजमधेश सम्बादाता
राजविराज, १५ असार । आज १७ औं विश्व धान दिवसको अवसरमा बोदेबर्साईन नगरपालिका वडा नम्बर ५ मा धान रोपेर धान दिवस मनाउनु भएको छ ।
नगरपालिकाका मेयर आतेश कुमार सिंह यादवको प्रमुख आतिथ्यमा आयोजित कार्यक्रममा ईलाका प्रहरी कार्यालय कडरबोनाका प्रमुख रामराजा केशरी, सशस्त्र बेश क्याम्प बोदे बर्साईनका प्रमुख हिमाल केसीले धान रोपेर १७ औं विश्व धान दिवस मनाउनु भएको छ ।
सो कार्यक्रममा बर्साईन नगरपालिका वडा नम्वर–५ का अध्यक्ष मो मजेबुल रहमान, वडा नम्वर २ का अध्यक्ष दिगम्बर यादव, पशु शाखा र कृषि शाखा बोदे बर्साईनको कर्मचारी, बोदे बर्साईन नगरपालिकाका कर्मचारी, राजनीतिक दलका प्रतिनीधि, वुद्धिजीवी, किसान, युवाहरु समेतको सहभागिता रहेको थियो ।
मिथिला प्याज खेती कृषक समुह बोदे बर्साईन नगरपालिका वडा नम्वर ५ को सहयोगमा तथा बोदेबर्साईन नगरपालिकाको पहलमा कार्यक्रम आयोजना गरिएको छ । उक्त कार्यक्रममा स्थानीय गङ्गा प्रसाद यादव समेतको सहयोग रहेको थियो ।
नगरपालिकाका मेयर सहित जनप्रतिनीधि, राजनीतिकर्मी समेतले सामुहिक रुपमा धान रोपाई समेत गरेका छन् ।
