मनोज बनैता
लाहान, १७ असार । लाहान नगरपालिका -१ स्थित कृष्णटोलको भित्री सडकको विजोग अवस्थाले स्थानीय सकस झेल्दै आएका छन ।
हल्का वर्षामै हिलाम्मे हुनेगरेको सडकमा पैदल हिड्न समेत कठिनाई भोग्दै आएका करिब दुई दर्जन घरपरिवार ले भने हाल आएर राहत महसुस गरेका छन ।
कुनै सरकारी बजेट नभई निजी लगानीमा कृष्णटोलकै स्थानिय तथा नेपाली काङ्ग्रेसका युवा नेता आभाष यादव उक्त सडक निर्माणमा लागेका छन ।
बुधबार बिहानै देखि जेसिबी लगाई सडक निर्माण कार्य थालेको यादवले जानकारी दिएका छन । बर्षा मौसमको कारणले बाहिरबाट माटो ल्याउन नसक्ने भन्दै युवा नेता यादवले उक्त सडक छेउकै माटो झिकी सडक मर्मतमा लागेको बताए । साथै यादवले नगरपालिकालाई उक्त सडकमा ग्राभेलको काम गरिदिन अनुरोध गरेका छन ।
