न्यूजमधेश डेस्क
जनकपुरधाम,२० असार।जनकपुरधाम उपमहानगरपालिकाद्वारा शहिदहरुको सम्मानमा जनकपुरधामको उतरी प्रवेशद्वारा मुजेलियामा भब्य शहिद गेटको निर्माण सुरु गरिएको छ।
जनकपुरधामका मेयर लाल किशोर साहले निर्माण कार्यको शिलान्यास आज गर्नुभएको छ।
करिव ३ करोडको लगानीमा मधेश आन्दोलनका शहिदहरु नितु यादव, दिलिप यादव र संजय चौधरीको अन्तयेष्टी समेत गरिएको छेउ मुजेलिया स्थित राजमार्गमा जनकपुरधाम प्रवेशका लागि भब्य शहिद गेटको निर्माण हुन लागेको छ ।
१७ फिटको भगवान श्री रामको प्रतिमा समेत रहने सो प्रवेशद्वारको तिनवटा पिलरहरु माथी तिनै शहिदहरुको प्रतिमा रहने छ ।
