न्यूजमधेश डेस्क
जनकपुरधाम, २३ असार । प्रदेश २ सरकारले ल्याएको प्रदेश सञ्चार विद्येयक खारेजको माग गर्दै प्रदेश सभा अगाडि संचारकर्मीहरु प्रदर्शन गरेका छ्न् ।

नेपालको संविधान भन्दा पनि निरंकुश रहेको भन्दै संचाकर्मीहरुले विद्येयक विरुद्ध प्रदेश सभा अगाडी सोमबार प्रर्दशन गरेका हुन् । प्रदेश २ सरकारले प्रदेशसभावाट पारित गरेको सञ्चार विद्येयक राणकालीन कठोरता अपनाएको भन्दै उनीहरु प्लेकार्ड बोकेर प्रदर्शन गरे ।

पत्रकार विपी साहको नेतृत्वमा सञ्चारकर्मीहरुले सञ्चार विद्येयकमा १० हजार देखि २० हजार सम्म जरिवाना र सञ्चार समाग्री जफतको प्रावधान निरंकुश रहेको भन्दै निरन्तर विरोध गर्दै आएका छन् । पत्रकार साहका अनुसार नेपालको संविधान भन्दा समेत प्रदेश सरकारको बिधेयक निरंकुश र प्रेस स्वतन्त्रता विरोधी रहेको बताए ।

उनले नेपालको संविधानमा समेत सञ्चार उपकरण जफत गर्ने अधिकार कसैसंग नरहेको स्मरण गराउदै प्रदेश सरकारले गलत मनशायले यो प्रावधान राखेकाले स्वीकार गर्न नसकिने बताए ।

राष्ट्रिय दलित पत्रकार संघ धनुषा अध्यक्ष कुलदिप दास, खोजकेन्द्र डट कमका सहसम्पादक सिबेन्द्र रोहिता, कुलदिप दास केडी, तराई टाइम्सका शुभाष कुवर, हाम्रो जनकपुर डट कमका शम्भु पण्डितसहितका संचारकर्मीहरु प्रदर्शनमा सहभागी भएको थियो।

उक्त आन्दोलनलाई नेकपाकी सांसद मन्जु यादव, जनता समाजवादी पार्टीका सांसद विदेश्वर प्रसाद यादव ९बिक्री ०, सुरिता साह, उद्योग पर्यटन बन तथा वातावरण राज्य मन्त्री सुरेश मण्डल र भूमी, व्यवस्था, कृषि तथा सहकारी राज्य मन्त्री योगेन्द्र राय यादवसमेत समर्थन जनाएको छ ।

यसअघि पनि प्रदेश २ का विभिन्न जिल्लामा सञ्चार विधेयकको प्रतिलिपी जलाएर पत्रकारहरुले विरोध जनाएका थिए ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक  :मनोज कुमार मोरबैता
सम्पादक : मनोज बनैता
वरिष्ठ सल्लाकार : बिपी साह
वरिष्ठ सल्लाकार : श्रवण देव
वरिष्ठ सल्लाकार : सन्तोष जादब

सम्पर्क

सम्पर्क कार्यालय :जनकपुरधाम ( भानु चौक )
सम्पर्क : ९८४४५२०३२० ,९८०७७४९०००
ईमेल : [email protected]

Copyright © 2018-2020 News Madhesh