सिरहा, २४ असार । कोभिड १९ (कोरोना भाईरस) महामारीको पुर्वाद्ध देखि नेपाल प्रहरीले खेलेको भूमिका अतुलनीय र अविस्मरणीय रहेको छ । लकडाउन जारी हुनुभन्दा केही दिन अगाडि ईलाका प्रहरी लाहानको कमान्ड सम्भाल्न आएका डिएसपी शरत थापा क्षेत्रीको सक्रियता देखि भित्रका जवानहरू लगायत स्थानीय युवा समेत प्रभावित भए । थापाको अथक निगरानीले नगरवासीमा सुरक्षाको प्रत्याभूति गरायो। हाईवेको पेटीमा सडक ऐन विपरीत बनाईएका घर टहरा हटाउन समेत उनको अहम भुमिका रहयो । अवैधानिक बाटोमा हिडि आय आर्जन गर्ने कतिपयले आफ्नो पेशा समेत परिवर्तन गरे । तस्करहरुको ढाँड भाँचियो । चोरी पैठारीमा लाग्नेहरु सतर्क भए । अपराधको वृद्धिदर ओरालो लाग्यो । एक पछि अर्को सकारात्मक कार्यगर्दै डिएसपी थापाले निकै चर्चा कमाए । कतिपय मिडियाले त उनको सम्मानमा “डिएसपी थापाको अर्को धमाका/ फेरि धमाका/ अर्को जलवा आदी…” भन्ने शिर्षक समेत राखी समाचार सम्पादन गरे।
धेरै कम समयमा चर्चाको शिखरमा पुगेका डिएसपी थापाका केहि कार्यवाही प्रक्रियाले असन्तुष्टिको पहाड निर्माण गरेको छ । धेरैजसो स्थानीयवासीले थापाको कार्यशैलीमाथि आशंका समेत गर्न थालेका छन । ‘रोल मोडेल’ हुनलागेको डिएसपी थापा माथी हाल आएर असंख्य प्रश्नहरू तेर्सिएको छ । कुनै पार्टी विशेषलाई बढी ग्राहयता दिदै गरेको समेत आरोप रहेको छ ।
असन्तुष्टिको ज्वारभाटा
१. तत्कालीन समाजवादी पार्टीका क्षेत्रीय अध्यक्ष प्रयाग यादव अनुसार केही दिन अगाडि सखुवानन्कारकट्टी गा.पा मा बोक्सीको आरोपमा एक महिला उपर हातपात भयो । उक्त घटनाका मुख्य पात्र राजेन्द्र प्रसाद यादवका सहयोगी अमित यादव माथी अभद्र मुद्दा चलाईयो । बोक्सीको आरोपमा कुटाई खाएकी कला चन्द्र देवी यादव का सहयोगी श्याम यादव समेत ४ जना माथी ज्ययान मार्ने मुुुद्दा चलाईयो । पीडित कलाचन्द्र कि भतिजो पर्ने श्याम यादव थुनछेकमा ६ महिना देखि कारागारमा रहेको छ । उता कलाचन्द्रले बोक्सीको आरोप लगाएको भन्दै निवेदन दिन जाँदा निवेदन दर्ता गर्न मानेनन् । अन्तिममा उनी हुलाक द्वारा जाहेरी दिई परमादेश गराईन । नेता यादवले उक्त घटनाको सनाखत भईसकेपनी नेकपा नेताकार्यकर्ताको दवावमा कार्यवाही स्थगन भएको जस्तो छ ।
२. प्रयाग यादवको अनुसार, सखुवा कै अर्को गाउँ पैनडुम्मीमा असार ४ गते ७० वर्षीय जगविर यादव र उनका धर्मपत्नी तेतरीलाई केही स्थानीय युवाले निर्घात कुटे तर राजनैतिक दवावमा दुर्भाग्यवश पिडितकै छोरा थुनियो ।
३. त्यसैगरी लाहान स्थित ब्लड बैंकको कर्मचारी सुनिल यादवलाई एक युवासमुहले साधारण विवादमा टाउको फुटायो तर ती युवाहरूलाई कार्यवाही गरिएन ।
४. केहि दिन अगाडि (नेपाली काङ्ग्रेस निकटतम मानिने) लाहानको एक प्रतिष्ठित ब्यापारी पवन मुन्दडालाई म्याद नाघेको मैदा बेचेको भन्दै ईप्रका लाहानको टोलिले गिरफ्तार गर्यो । उनी ३ लाख धरौटी तिरी रिहा पनि भए । मुन्धडाको अनुसार म्याद गुज्रिएको मैदा फिर्ता गर्न राखिएको अवस्थामा उनी राजनैतिक पुर्वाग्रहको शिकार बने ।
५. त्यसैगरी करिब २० दिन अगाडि लाहान भोटिया टोलमा बस्ने ममता देवी यादवमाथि कुटपिट भएको तर उनलाई हाल सम्म अनुसन्धान जारी रहेेेको छ । बाध्यतावस उनी अदालत प्रक्रियामा मा गईन ।
६. सिरहाको लहान नगरपालिका १७ गोविन्दपुर गाउँमा युवकको विभत्स हत्या गरी गायव गरिएको टाउको एक दिनपछि भेटिएको थियो । पुछ्ताछ्को लागि शंकाका घेरामा केहिलाई ल्याईयो तर उपलब्धि हाल सम्म शुन्य ।
७. सप्तऋषि अस्पतालमा डाक्टरको लापरबाहीले एकै दिन ३ शिशुले ज्यान गुमाए । छानबिन समिति गठन भयो प्रतिवेदन अस्पतालको विरुद्धमा आयो । महिनौंसम्म कार्यवाही भएन ।
८. विशेष स्रोतअनुसार ई.प्र.का भित्र डिएसपीको नजिक रहने घुमुवा द्वारा सञ्चालित मेसमा ह्वात्तै ३०० रुपैया बढाईयो । २५०० बाट २८०० पुर्याएपनी खानाको गुणस्तर दयनीय भएको अधिकांश जवानहरूले (नाम न खोल्ने शर्तमा) बताए । गोप्य सुचना अनुसार उच्च ओहदाका केहि प्रहरी कर्मचारीले निशुल्क खाना खाईरहेको अवस्था छ।
९. ईप्रका भित्र केही दिन अगाडि नै गाडिएको पावर ड्रील बोरिङ को लागत खर्च समेत पारदर्शी नगरिएको । क्रमश…..
ई.प्र.का लाहानमा “प्रहरी मेरो साथी” भन्ने नाराको सार्थकता
मुलुकमा शान्ति सुरक्षाको मुख्य जिम्मेवारी सम्हाल्दै आएको नेपाल प्रहरीले केही वर्ष अगाडि ‘प्रहरी मेरो साथी’ अभियान सुरु गरेको थियो । उक्त अभियान ७७ वटै जिल्लामा सञ्चालनमा आएको थियो । नेपाल प्रहरीका नागरिक समुदाय केन्द्रित सबै कार्यक्रम तथा क्रियाकलाप ‘प्रहरी मेरो साथी’को अवधारणामा समेटिएको छ । देशभरका विद्यालय तथा समुदायमा सामुदायिक सम्पर्कको माध्यमबाट प्रहरीलाई नागरिकमैत्री बनाई अपराध, दुर्घटना र सामाजिक विकृतिलाई नियन्त्रण गर्दै शान्ति सुरक्षा कायम गर्नु अभियानको मुख्य उद्देश्य रहेको छ । समाजमा ‘प्रहरी मेरो साथी’ हो भन्ने भावना र सम्बन्धको विकास गरेर प्रहरी सङ्गठनको छविलाई गरिमामय तुल्याउनु अभियानको लक्ष्य रहेको थियो ।
नेपाल प्रहरीले यसअघि ‘मुस्कानसहितको सेवा’ भन्ने नाराका साथ जनतामा पुग्ने अभियान सुरु गरेको थियो ।नेपाली समाज नै मुख्य कार्यथलो रहेको प्रहरीको समाजमा शान्ति सुव्यवस्था कायम गर्नु नै प्रमुख दायित्व हो । प्रहरीको सङ्गठन कुनै व्यक्तिविशेषको आदेशमा नभएर विधि र कानुनअनुरुप सञ्चालन हुन्छ भन्ने कुरा अभियानले पुष्टि गरेतापनी लाहानको अवस्था भन्ने फरक पाईयो । लकडाउनमा खाद्यान्न बाटेर देशैभरी मस जोडीले चिनिएको महेश चौधरी र संगिता कर्माचार्य समेतले डिएसपी थापा प्रति आफ्नो असन्तुष्टि व्यक्त गरेका छन । नेपाली काङ्ग्रेस सम्बद्ध यी जोडी ले भने “दुई हप्ता अगाडि डिएसपी थापा सर संग हामी भेटन ईप्रका को गेटमा उभिरहेका थियौ अचानक वहाँले एक जवानलाई को छ गेटमा धपाई दे भन्ने आदेश दिनु भयो हामी निशब्द घर फर्कियौ।”
त्यसैगरी अर्का एक नेता एवं समाजसेवी प्रयागलाल यादवको उस्तै पीडा रहेको छ । उनले पनि डिएसपी थापाद्वारा अभद्र ब्यवहार भएको दु:ख पोखे । जसपा कै अर्को नेता शत्रुधन मण्डलको अनुसार नेपाल प्रहरी बिधि र कानुनले चलेको संगठन हो तसर्थ यसमा हाम्रो डिएसपी साब संबेदनसिल हुन जरुरी छ । एक गोप्य स्रोतले दिएको सुचना अनुसार लाहानका २/४ जना संग भावनात्मक रुपमा अति नजिक रहेको डिएसपी थापा हालमा आफ्नो उर्जा सहि दिशामा लगाउन सकिरहेको छैन । स्रोतले दिएको सबै जानकारीलाई गलत मान्ने हो भन्ने पनि केही प्रश्न स्थानीयको मनमा उब्जेको छ । सप्तऋषि अस्पताल, लाहान १७ को घटना, लिलामदन काण्ड, पवन मुन्धडा को मैदा कान्ड आदिले पक्कै पनि आम नागरिकलाई सन्तुष्ट गर्न सकेको छैन ।
