न्यूजमधेश डेक्स
जनकपुरधाम ,३० असार ।डाक्टरलाई कुटपिट गर्न पाइदैन भन्दै सोसाइटी अफ मेडिकल स्टुडेन्टस जनकपुरमा प्रदर्शन गरेको छ ।
गत असार ११ गते झापाको विर्तामोडमा डा. झा कार्यरत अस्पतालमा विरामीको आफन्तले कुटपिट गरेको र अहिले सम्म कार्वाही नगरेको भन्दै सोसाइटी अफ मेडिकल स्टुडेन्टस्, नेपालले जनकपुरमा प्रदर्शन गरेका ।
सोसाइटी अफ मेडिकल स्टुडेन्टस् नेपाल को कार्यकारी सदस्य विवेक माहासेठ र चन्दन यादवको नेत्तृत्वमा भएको उक्त कार्यक्रममा जनकपुरका डाक्टर, मेडिकल विधार्थी र स्थानियहरूको उपस्थित रहेको थियो। प्रदेशिक अस्पताल देखि सुरू भएको जुलुस जनक चौकमा गएर कोण सभामा परिणत भएको थियो।
र्याली गर्दै कोण सभामा परिणत भएको बिरोध कार्यक्रममा डा. सुधाकर झा, अभिषेक यादव, चन्दन यादव, विवेक माहासेठ लगायतले मन्तब्य राखेका थिए। कोरोनाजस्तो विपद् को बेलामा पनि अग्रपङ्तिमा रहेर काम गर्ने डाक्टरहरूमाथि हुने हातपातले मानवतामाथि नै प्रस्न चिन्ह खडा गरेको छ ।
यस्तो दुर्व्यवहारले मेडिकल विधार्थीको मनोबल घट्न गई सेवाको भावना कम हुनसक्ने मेडिकल विधार्थीहरुले भन्नुभएको छ ।
